جاڭا حابارلار

ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءبىرىنشى ءماجىلىسى 3-جالپى ءماجىلىسىن اشىپ، جاڭا كەزەكتى ساياسي كەڭەستىڭ باسشىلىق قۇرىلىمىن سايلادى

    كەلۋ قاينارى: شينجياڭ حالىق راديو ىستانسياسى    2018-01-26 13:53:08  
ستانسيامىزدىڭ ءتىلشىسى سۇن ۋي حابارلايدى: 25-قاڭتار تۇستەن بۇرىن، ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءبىرىنشى ءماجىلىسى ءۇشىنشى جالپى ءماجىلىسىن اشىپ، جاڭا كەزەكتى اۆتونوميالى رايوندىق ساياسي كەڭەستىڭ باسشىلىق قۇرىلىمىن داۋىس بەرىپ سايلادى. ماجىلىسكە قاتىناسۋعا ءتيىستى مۇشە 530 ادام، ناقتى قاتىناسقانى 512 ادام بولىپ، بەلگىلەنگەن ادام سانىنا ۇيلەسەدى. ءماجىلىستى نۇرلان ءابىلماجىن ۇلى باسقاردى. ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسى ءتوراعالار القاسىنىڭ تۇراقتى ءتوراعالارى ءتوراعالار مىنبەسىنەن ورىن الدى.
ماجىلىستە «ساياسي كەڭەس شينجياڭ ۇيعۇر اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ سايلاۋ ءادىسى» مەن باس بەلەت باقىلاۋشىسى، بەلەت باقىلاۋشىلارى ەسىمدىگى ماقۇلدانعاننان كەيىن، جاسىرىن داۋىس بەرۋ تاسىلىمەن سايلاۋ ءجۇرىلدى.
نۇرلان ءابىلماجىن ۇلى جاڭا كەزەكتى اۆتونوميالى رايوندىق ساياسي كەڭەستىڭ ءتوراعالىعىنا سايلاندى؛ چىڭ جىنشان، ءجۇرات يمىن، ماعاۋ سەيتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، يىلحام سابىر، ما شيۇڭچىڭ، ابدۇريقىپ تۇمۇرنياز ورىنباسار ءتوراعالىققا سايلاندى؛ جاڭ بو باس حاتشىلىققا سايلاندى؛ ما حۋادۇڭ سياقتى 107 ادام تۇراقتى مۇشەلىككە سايلاندى.
سايلاۋ ناتيجەسى شىققاننان كەيىن، بارلىق مۇشەلەر قىزۋ شاپالاق سوعىپ قۇتتىقتادى.

بەرىپ كەت ورامالىڭدى

دوستار

الىستاعى اق ەركە