جاڭا حابارلار

ساياسي كەڭەس اۆتونوميالى رايوندىق -12كەزەكتى كوميتەتىنىڭ ءبىرىنشى ءماجىلىسى جەڭىسپەن جابىلدى

    كەلۋ قاينارى: شينجياڭ حالىق راديو ىستانسياسى    2018-01-26 13:58:58  

چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين ماجىلىسكە قاتىناستى، نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى

ستانسيامىزدىڭ حابارى: ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءبىرىنشى ءماجىلىسى ءتۇرلى كەڭەستىك تارتىپتەرىن تابىسپەن ورىنداعاننان كەيىن، 25-قاڭتار تۇستەن بۇرىن جابىلدى.
چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين، ليۋ ۋانلۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي قاتارلى باسشى جولداستار ماجىلىسكە قاتىناسىپ، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ جابىلعاندىعىن قىزۋ قۇتتىقتادى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى. اۆتونوميالى رايوندىق ساياسي كەڭەستىڭ ورىنباسار ءتوراعالارى چىڭ جىنشان، ءجۇرات يمين، ماعاۋ سەيىتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، يلحام سابىر، ما شيۋڭچىڭ، ابدۇريقىپ تۇمۇرنياز ءتوراعالار مىنبەسىنىڭ الدىڭعى قاتارىنان ورىن الدى.
جابىلۋ ماجىلىسىنە قاتىناسۋعا ءتيىستى مۇشە 530 ادام، ولاردىڭ 512 سى قاتىناسىپ، بەلگىلەمەدەگى ادام سانىنا ۇيلەستى.
ساعات 12 دەن 30 مينۋت وتكەندە، نۇرلان ءابىلماجىن ۇلى جابىلۋ ءماجىلىسىنىڭ باستالعانىن جاريالادى.
ماجىلىستە، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسى، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسى ۇسىنىس-جوبانى تەكسەرۋ كوميتەتىنىڭ ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ماجىلىسىنىڭ ۇسىنىس-جوبانى تەكسەرۋ احۋالى جونىندەگى بايانداماسى، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ ساياسي قاۋلىسى ماقۇلداندى.
ىلە-شالا، نۇرلان ءابىلماجىن ۇلى جاڭا كەزەكتى اۆتونوميالى رايوندىق ساياسي كەڭەس تۇراقتى كوميتەتى اتىنان، پارتيا مەن حالىق جۇكتەگەن اۋىر مىندەتتى، ءسوز جوق، ادا ەتىپ، مۇشەلەردىڭ كۇتكەن ۇمىتىنەن شىعىپ، اۆتونوميالى رايوندىق پارتكومنىڭ دۇرىس باسشىلىعىنا مىزعىماي تاباندى بولىپ، مىندەتتى مۇقيات اتقارىپ، ىنتىماقتاسا كۇرەس جاساپ، ساياسي كەڭەس ىسىتەرىن ۇزدىكسىز ىلگەرىلەتەتىندىكتەرىن ايتتى.
نۇرلان ءابىلماجىن ۇلى بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 19-قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋ تالابى بويىنشا، باس نىسانانى ارقاۋ ەتە وتىرىپ، ءداۋىردىڭ اۋىر جۇگىن ارقالاۋىمىز كەرەك. مۇندا، ءبىرىنشى، جاڭا داۋىردە، تىڭ رولىمىزدى ساۋلەلەندىرىپ، ساياسي قۇرىلىستى ماڭداي الدى ورىنعا قويۋدان جازباۋىمىز ءتيىس. باس شۋجي شي جينپيڭنىڭ پارتيا ورتالىق كوميتەتى مەن بۇكىل پارتيانىڭ ۇيتقىلىق ورنىن، پارتيا ورتالىق كوميتەتىنىڭ بەدەلى مەن شوعىرلى ءبىرتۇتاس باسشىلىعىن باتىل قورعاپ، «4 تانىمدى »، «4 سەنىمدى» باتىل كۇشەيتىپ، شينجياڭنىڭ بەيجيڭمەن اراسى الىس بولسا دا، جۇرەگىمىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىرگە سوعۋىن، تىعىز بىرگە بولۋىن باتىل ورىنداۋىمىز كەرەك.
ەكىنشى، جاڭا داۋىردە جاڭا ناتيجەلەردى ايگىلەپ، نازاردى باس نىساناعا شوعىرلاندىرىپ، بورىشتى ادا ەتىپ، جاۋاپكەرلىكتى بۇلجىماي ارقالاۋىمىز كەرەك. قوعامنىڭ جاراسىمدى ورنىقتىلىعىن قورعاۋ جاعىندا مىندەتتى باتىل ادا ەتىپ، جاڭا دامۋدى شىنايى دايەكتىلەندىرۋدە جاۋاپكەرلىگىمىزدى ارقالاپ، حالىق تۇرمىسىن كۇش سالا قامتاماسىز ەتۋدە جانە جاقسارتۋدا ناتيجە جاراتىپ، ۇلتتار ىنتىماعىن ۇزدىكسىز بەكەمدەۋدە ۇلگى كورسەتىپ، ساياسي كەڭەس قىزمەتى ءتاسىلى ارقىلى اۆتونوميالى رايوندىق پارتكومنىڭ ءتۇرلى شەشىم-ورنالاستىرۋلارىن بۇلجىماي تياناقتاندىرۋىمىز كەرەك. ءۇشىنشى، جاڭا داۋىردە جاڭا بەينە بايقاتىپ، ناقتىلى ىستەۋ بارىسىندا ستيلگە بۇرىلىس جاساپ، ناقتىلى ونىمدىلىك كورسەتۋدەن بۇلجىماۋىمىز كەرەك. باس نىساناعا قىزمەت ەتۋدە جانە ونى تياناقتاندىرۋدا، ساياسي كەڭەس فۋنكتسياسىن اتقارۋدا اتويشى بولىپ، جاپالى، شىنايى ىستەپ، ات ۇستىلىككە سالىنباي، تاماشا قىزمەت تانيجەسى ارقىلى پارتيا مەن حالىقتىڭ سەنىمنەن شىعىپ جانە اۋىر جۇگىن ادا ەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، قوعام ورنىقتىلىعى مەن باياندى تىنىشتىقتى تىڭعىلىقتى ىلگەرىلەتۋ جولىندا تىڭ دا اناعۇرلىم زور ۇلەس قوسۋىمىز كەرەك.
ساعات 13 تەن 10 مينۋت وتكەندە، ءماجىلىس ايبىندى مەملەكەت گيمىنمەن جابىلدى.
ءتوراعالار مىنبەسنەن ورىن العانداردان تاعى اۆتونوميالى رايوندىق حالىق قۇرىلتايى، ۇكىمەت، شينجياڭ اسكەري رايونى، شينجياڭ ءوندىرىس قۇرىلىس بيڭتۋانى باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوت مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، قارۋلى ساقشى شينجياڭ باس اترەتىنىڭ، اۋە ارمياسى ءۇرىمجى بازاسىنىڭ نەگىزگى باسشى جولداستارى، اۆتونوميالى رايوندىق ساياسي كەڭەستىڭ بۇرىنعى ءتوراعاسى، ورىنباسار ءتوراعالارى مىندەتىن اتقارعان ساقا باسشىلار، اۆتونوميالى رايوندىق ساياسي كەڭەستىڭ ماجىلىسكە قاتىناسقان ءارقايسى ورىندارىنىڭ جاۋاپتىلارى سياقتىلار بار.


بەرىپ كەت ورامالىڭدى

دوستار

الىستاعى اق ەركە