جاڭا حابارلار

وڭىرلىك ءوندىرىستىڭ جالپى ءونىم قۇنى تۇڭعىش رەت ءبىر تريلليون يۋاننان اسىپ، تۇتاس جىلدا 100 ميلليوننان استام ساياحاتشى قابىلدادى

    كەلۋ قاينارى: شينجياڭ گازەتى    2018-01-27 20:38:38  

وسى قوماقتى ناتيجە كورسەتكىشى رايونىمىزدىڭ باس نىسانانى ىسكە اسىرۋ سەنىمىن بەكەمدەدى
 تىلشىلەرىمىز ياۋ تۇڭ، شى شين

@@«شينجياڭنىڭ وڭىرلىك ءوندىرىس جالپى ءونىم قۇنى ءبىر تريلليون 92 ميلليارد يۋانعا جەتىپ، %7.6 ارتتى؛ تۇتاس جىلدا ەل ءىشى - سىرتىنان 107 ميلليوننان استام ساياحاتشى قابىلداپ، %32.4 ارتتى». 22 - قاڭتاردا اۆتونوميالى رايوندىق 13 - كەزەكتى حالىق قۇرىلتايىنىڭ 1 - ءماجىلىسىنىڭ اشىلۋ جيىنىنداعى ۇكىمەت قىزمەتىنەن بايانداماداعى وسى ەكى ساندى مالىمەت ۋاكىلدەردىڭ كوزدەرىن جارق ەتكىزدى.
@@«وسى ناتيجە كورسەتكىشى شينجياڭنىڭ دامۋىندا ءىش پەن سىرتتى قاتار ۇستاعانىن كورسەتەدى، بۇل مەشەۋ وڭىرلەر جونىنەن العاندا، راسىندا، وڭاي ەمەس». شينجياڭ قوعامدىق عىلىمدار اكادەمياسىنىڭ باستىعى گاۋ جيانلۇڭ شينجياڭنىڭ ورنىقتىلعى مەن دامۋىنداعى قيىن تۇيىندەردى شەشۋدى زەرتتەۋدى ءتۇيىن ەتىپ كەلەدى. ول بىلاي دەدى: وڭىرلىك ءوندىرىستىڭ جالپى ءونىم قۇنىنىڭ تىڭ ساتىعا كوتەرىلۋى شينجياڭنىڭ ىشكى دامۋ ومىرشەڭدىك كۇشىن ايگىلەدى؛ تۇتاس جىلدا ەل ءىشى - سىرتىنان قابىلداعان ساياحاتشىلار سانىنىڭ تىڭ ورەگە كوتەرىلۋى شينجياڭنىڭ سىرت جاققا بولعان تارتىمدىلىعىن ايگىلەدى.
@@گاۋ جيانلۇڭ بىلاي دەدى: جاڭا داۋىردە، وڭىرلىك ءوندىرىستىڭ جالپى ءونىم قۇنى ەكونوميكانىڭ دامۋ ورەسىن ولشەيتىن بىردەن - ءبىر ولشەم ەمەس، دەسەدە، 3 جىل بويى 900 ميللياردتىڭ اينالاسىندا جۇرگەن شينجياڭ جونىنەن العاندا، ءبىر تريلليونعا جەتۋ كەلەلى مانگە يە، بۇل شينجياڭنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ كورنەكتى ناتيجەلەرگە قول جەتكىزگەنىن ايگىلەيدى، ءبىز جاپپاي دوڭگەلەك داۋلەتتى قوعام قۇرۋعا اناعۇرلىم جاقىندادىق.
@@گاۋ جيانلۇڭ بىلاي دەدى: ورنىقتىلىق بولماسا، دامۋ العى شارتىنان ايرىلادى؛ دامۋ بولماسا، ورنىقتىلىقتىڭ جالعاسۋى قيىنعا سوعادى. اۆتونوميالى رايوندىق پارتكوم جاساعان «ءبىر باسشىلىق القاسى ورنىقتىلىقتى قورعاۋعا كۇش سالۋ، ءبىر باسشىلىق القاسى كۇشتى شوعىرلاندىرىپ دامۋدى مىقتى ۇستاۋ» سىندى ورنالاستىرۋى شينجياڭنىڭ ءىس جۇزىندىگىن تىعىز ارقاۋ ەتتى، ءدال مىنە وسى مەحانيزم شينجياڭنىڭ ەكونوميكاسىنىڭ، قوعامىنىڭ دامۋىنا، ءار ۇلت حالقىنىڭ تاماشا تۇرمىسىنا كەپىلدىك ازىرلەدى.
@@شينجياڭنىڭ بىلتىر ەل ءىشى - سىرتىنان 100 ميلليون ساياحاتشىنى قابىلداۋى وڭىرلىك ءوندىرىستىڭ جالپى ءونىم قۇنىنىڭ ءبىر تريلليون يۋاننان اسقاندىعىن دالەلدەدى. «ساياحات كاسىبىنىڭ دامۋ بەتالىسىنىڭ ويداعىداي بولۋى قوعامنىڭ جالپى جاعدايىنىڭ ورنىقتى بولۋى سىندى ورايدى قولدان جىبەرمەي، ەرەكشەلىككە يە ساياحات بايلىق باسىمدىعىن ساۋلەلەندىرىپ، تۇتاس وڭىرلىك ساياحاتتى اشۋ، نەگىزگى قۇرىلعى قۇرىلىسى، سارا جول جوباسى سياقتى جاقتارداعى قىزمەتتەردى ويداعىداي ىستەۋدىڭ ارقاسى. ساياحات كاسىبى قوعام جاراسىمدىلىعى مەن ورنىقتىلىعىنىڭ كورسەتكىشى بولىپ كەلەدى. تۇتاس شينجياڭ بىرگە قۇلشىنىپ، بۇكىل دۇنيە جۇزىنە شينجياڭنىڭ جاقسى جەر ەكەنىن تاعى ءبىر رەت دالەلدەيمىز»، - دەدى اۆتونوميالى رايوندىق ساياحاتتى دامىتۋ كوميتەتى پارتيا باسشىلىق گرۋپپاسىنىڭ شۋجيى يۇي حۋان.
@@«وسى ناتيجە كورسەتكىشى ءبىزدىڭ پارتيانىڭ سوزىنە قۇلاق اسۋ، پارتياعا ىلەسۋ سەنىمىمىزدى، ءبىزدىڭ باس نىسانانى جۇزەگە اسىرۋ سەنىمىمىزدى ونان ارى بەكەمدەدى»، - دەدى اۆتونوميالى رايوندىق حالىق قۇرىلتايىنىڭ ۋاكىلى، قاشقار قالاسى شامالباق قالاشىعىنىڭ ورىنباسار باستىعى رايحانگۇل يمىر. ول بىلاي دەدى: وتانىمىزدىڭ شينجياڭى بارعان سايىن كوركەم بولادى!


بەرىپ كەت ورامالىڭدى

دوستار

الىستاعى اق ەركە