جاڭا حابارلار

اۋىل-قىستاقتى كوركەيتۋ ــ ەگىنشى-مالشىلارعا تاماشا تۇرمىس سيلايدى

    كەلۋ قاينارى: شينجياڭ حالىق راديو ىستانسياسى    2018-01-29 13:39:39  
«دوڭگەلەك داۋلەتكە جەتۋ ساپارىن جاپپاي باستايىق» دەگەن تاقىرىپتاعى جەلىلەس حابارىمىز بويىنشا ستانسيامىزدىڭ تىلشىلەرى جين لەي، ءلان تيان، لەي ميڭدار جازعان حاباردىڭ التىنشى ءبولىمىن تىڭداڭىزدار: پارتيا 19-قۇرىلتايىنىڭ بايانداماسىندا مىنالار اتاپ كورسەتىلدى: اۋىل-قىستاقتى كوركەيتۋ ستراتەگياسىن اتقارۋدا كاسىپتى دامىتۋ، ەكولوگياسى قونىستانۋعا جايلى بولۋ، اۋىل سالتى مادەنيەتتى بولۋ، وڭاۋى ءونىمدى بولۋ، تۇرمىسى باياشات بولۋ جالپى تالابى بويىنشا، اۋىل شارۋاشىلىعى مەن اۋىل-قىستاقتى وسىزامانداندىرۋدى جەدەل ىلگەرلەتۋ كەرەك. اۆتونوميالى رايوندىق حالىق قۇرىلتايىنىڭ ۋاكىلى، التاي قالالىق پارتكومنىڭ شۋجيى مۇقيات نۇرمۇقامەت ۇلى بىلاي دەدى: التاي قالاسى بيىل، 20 اكىمشىلىك قىستاقتى اۋىل-قىستاقتى كوركەيتۋ ستراتەگياسىنداعى سىناق ءتۇيىن ەتىپ، اۋىل-قىستاقتىڭ نەگىزدىك قۇرىلعى قۇرىلىسىن جەدەلدەتەدى، ءبىز نەگىزدىك قۇرىلعى جاعىندا سۋمەن قامداۋ، سۋ ىعىستىرۋ، اۋىز سۋ حاۋىپسىزدىگى، جول قۇرىلىسى، ءتىپتى اۋىل-قىستاقتىڭ ورتا تازالىعىن وڭاۋدى قامتىعان جۇمىستاردىڭ بارلىعىن ىستەيدى، تاعى ءبىرى بۇقارانىڭ اۋىل سالتى مادەنيەتىنە باعىتتاپ، مادەنيەت جاعىنان، ءسوز-ارەكەت جاعىنان، سالت-سانا، جون-جوسىق جاعىنان، ساياحات جاعىنان كۋرىس اشىپ، ولاردىڭ مادەنەيت دەڭگەيىن جوعارىلاتادى.
بايىيمىن دەسەڭ جول جاسا، اۋىل-قىستاقتى كوركەيتىپ، ەكونوميكانى دامىتۋدا، بۇقارانىڭ ءجۇرىس-تۇرىسىندا تاماشا قاتىناس قۇرىلعىلارى كەم بولسا بولمايدى. اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق قاتىناس تاسىمال مەڭگەرمەسى پارتگرۋپپاسىنىڭ شۋجيى لي حۇڭبين بىلاي دەدى: بيىل ءبىز قاتىناس جاعىنان كەدەيلەردى سۇيەمەلدەۋدى ارقاۋ ەتىپ، سوڭعى شاقىرىم جولعا دەيىن تۇتاستىرىپ، اۋىل-قىستاقتىڭ تاس جول قۇرىلىسىن بار كۇشپەن ىلگەرلەتەمىز، تۇتاس شينجياڭ بويىنشا 5 اۋىل-قالاشىققا قازىرگە دەيىن تاس جول قاتىنامادى، بيىل 4 اۋىل-قالاشىقتىڭ تاس جولىن جاسايمىز، مۇنان سىرت، تاس جول جەتپەگەن قىستاقتاردا تاس جول جاساۋدى بارىنشا ىلگەرلەتىپ، تاس جول تۇتاستىرامىز.
بىلتىر جىل سوڭىندا، باس شۋجي شي جينپيڭ ماڭىزدى نۇسقاۋ بەرىپ: « دارەتحانا توڭكەرىسىن» تاباندىلىقپەن ىلگەرلەتىپ، بۇقارانىڭ تۇرمىس ساپاسىنا ىقپال جاسايتىن ولقىلىقتاردى كۇش سالا تولىقتاۋ كەرەك،-دەگەندى باسا دارىپتەگەن بولاتىن. اۆتونوميالى رايوندىق ساياسي كەڭەستىڭ مۇشەسى، جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ ورىنباسار مەڭگەرۋشىسى جاڭ شياۋپيڭ مىنالاردى ۇسىنىس ەتتى: اۋىل-قىستاقتاردىڭ دارەتحانا توڭكەرىسىن جاڭاشا اۋىل-قىستاق قۇرىلىسىمەن، كەدەيلەردى سۇيەمەلدەۋ، وركەندەتۋ قۇرىلىس نىسانىمەن بىرلەستىرىپ، دەنساۋلىق ساقتاۋ، جوسپارلى تۋىت، اۋىل شارۋاشىلىق، قورشاعان ورتانى قورعاۋ، قالا-اۋىل قۇرىلىسى سياقتى تاراۋلاردىڭ نىسان بايلىعىن بىرىكتىرىپ، قاتىستى قىزمەتتەردى ءبىر تۇتاس جوسپارلاپ ىلگەرلەتۋ كەرەك. اۋىل-قىستاق دارەتحانالارىنداعى لاس سۋدى وڭاۋدى عىلمي ىلگەرلەتىپ، اۋىل-قىستاق دارەتحانالارىن ەكولوگيالىق اۋىل شارۋاشىلىعىمەن، اينالمالى اۋىل شارۋاشىلىعىمەن ۇشتاستىرۋ ءتيىس. اۋىل-قىستاقتارداعى ورتا-باستاۋىش مەكتەپتەر، اۋىل-قالاشىق ەمحانالارى، جارمەنكە بازارى سياقتى الەۋمەتتىك ورىنداردى نەگىز ەتىپ، قاجەتكە قاراي بىرتىندەپ جالپىلاستىرۋ قاجەت.
اۋىل-قىستاقتى كوركەيتۋ ستراتەگياسىن اتقارۋ ــ ەگىنشى-مالشىلارعا تاماشا تۇرمىس سيلاپ، اۋىل شارۋاشىلىعىن جەتەكشى كاسىپكە اينالدىرادى، ەگىنشى-مالشى بولۋ باۋراۋ قۋاتى كۇشتى كاسىپكە اينالادى، اۋىل-قىستاق حالىق الاڭسىز تىرشىلىك ەتەتىن كوركەم مەكەنگە اينالادى.

بەرىپ كەت ورامالىڭدى

دوستار

الىستاعى اق ەركە