جاڭا حابارلار

اۆتونوميالى رايوندىق ەكى ءماجىلىستىڭ رۋحىن جەتەكشى ەتىپ، شىنايى يگەرىپ ناقتىلى ىستەر ىستەپ، ءورىس اشا العا ىلگەرىلەپ، ءتىپتى دە كوركەم بولاشاق جاراتۋ ءۇشىن قۇلشىنامىز

    كەلۋ قاينارى: شينجياڭ حالىق راديو ىستانسياسى    2018-01-28 16:34:30  
ستانسيامىزدىڭ جيناق حابارىن تىڭداڭىزدار: اۆتونوميالى رايوندىق ەكى ءماجىلىس جەڭىسپەن جابىلدى، ۋاكىلدەر مەن مۇشەلەر جانە كادرلار مەن بۇقارا اۆتونوميالى رايوندىق ەكى ءماجىلىستىڭ رۋحىن جەتەكشى ەتىپ، شىنايى يگەرىپ ناقتىلى ىستەر ىستەپ، ءورىس اشا العا ىلگەرىلەپ، ءتىپتى دە كوركەم بولاشاق جاراتۋ ءۇشىن قۇلشىنامىز،-دەستى.
اۆتونوميالى رايوندىق ەكى ءماجىلىستە جاسالعان ۇكىمەت قىزمەتىنەن باياندامادا مىنالار العا قويىلدى: جاسىل دامۋعا تاباندى بولۋ، كورىكتى شينجياڭ قۇرۋ جولىندا قۇلشىنۋ كەرەك.ءوندىرىسى دامىعان، تۇرمىسى باياشات، ەكولوگياسى تاماشا وتكەنيەتتى دامۋ جولىنان جازباي، سوتسياليستىك ەكولوگيالىق وركەنيەت تانىمىن دامۋدىڭ ءار قايسى بۋىنىندا دايەكتىلەندىرۋ تياناقتاندىرۋ ءتيىس. 2017-جىلدىڭ اياعىندا، سانجى قالاسى «مەملەكەتتىك وركەنيەتتى قالا» اتاعىنا يە بولدى، اۆتونوميالى رايوندىق حالىق قۇرىلتايىنىڭ ۋاكىلى، سانجى قالالىق پارتكومنىڭ ورىنباسار شۋجيى، قالا باستىعى جىڭ مين وركەنيەتتى قالا قۇرۋ قىزمەتىن ۇزدىكسىز جاقسى ىستەۋ كەرەكتىگىن ايتا كەلىپ، بىلاي دەدى: قالانىڭ وبراز ورناتۋ ينجەنەرياسىن اتقارىپ، جوبانى الدىن الا جاقسى جاساپ، پاراساتتى باسقارۋ ارقىلى قىزمەت ەتۋ تەبىنىن كۇشەيتىپ، ورتانى وڭاۋ ارقىلى قالانى كورىكتەندىرۋ، ەكولوگيالىق وركەنيەت ارقىلى دامۋدى جەبەۋ ءتيىس. قالا تۇرعىندارىنىڭ ساپاسىن جوعارىلاتۋ ينجەنەرياسىن اتقارىپ، وزەكتى قۇن كوزقاراسى تاربيەسىن مىقتى يگەرىپ، ۇگىتتى جاقسى ىستەپ، وركەنيەتتى قالا قۇرۋ ارقىلى قىزمەت ەتۋ ساپاسىن جوعارىلاتۋ؛ تۇرعىنداردىڭ باقىت ينجەنەرياسىن جاقسى يگەرىپ، ورنىقتىلىقتى قورعاۋ ارقىلى جۇرت كوڭىلىن ورنىقتىرۋ، قامتاماسىزداندىرۋ ارقىلى حالىققا قولايلىلىق جاساۋ، قىزمەت كورسەتۋ ارقىلى كومەكتەسۋ،سونىمەن قوسا، مادەنيەت ارقىلى حالىققا شاتتىق سيلاۋ قىزمەتىن ويداعىداي يگەرۋ كەرەك. وركەنيەتتى قالا قۇرۋ قىزمەتى قاشان دا ۇزدىكسىز جالعاستىرىلادى، سانجى قالاسى وسى داڭىقتى باستاما بەتىپ، باياندى مەحانيزم ورناتىپ، ناتيجەنى جان-جاقتىلى بەكەمدەپ، سوتسياليستىك وركەنيەت قۇرىلىسىن سانجى قالاسىندا جوعارى ورلەۋگە كوتەرەدى.
اۆتونوميالى رايوندىق ەكى ءماجىلىس اياقتاعان سوڭ، اۆتونوميالى رايوندىق ساياسي كەڭەستىڭ مۇشەسى، تۇرپان ءىلىمىن زەرتتەۋ ورنىنىڭ ورىنباسار باستىعى ەركىن بارات قىزمەت ورنىندا تاباندى بولىپ، اۆتونوميالى رايوندىق ەكى ءماجىلىستىڭ رۋحى مەن پارتيا -19قۇرىلتايىنىڭ رۋحىن دايەكتىلەندىرىپ جانە تياناقتاندىرىپ، مادەني مۇرالاردىڭ رولىن ايگىلەپ، تاريح الدىندا ايقىن پوزەتسيا ءبىلدىرىپ، «بەس مۇراتتاستىقتى» اناعۇرلىم كۇشەيتىپ، ناقتىلى ءىس-ارەكەت ارقىلى ۇلتتار ىنتىماعى مەن قوعام ورنىقتىلىعىن قورعاۋ كەرەكتىگىن ايتا كەلىپ بىلاي دەدى: تۇرپان ءىلىمىن زەرتتەۋ ورنىنىڭ زەرتتەۋشىسى بولعان بىزدەر باستىسى تاريح زەرتتەيمىز. وسى رەتكى ەكى ماجىلىستە، يدەيالوگيا سالاسىنىڭ ساياسي باعدارى مەن دۇرىس بەتالىسى ەرەكشە دارىپتەلدى. تۇرپان ءىلىمىن زەرتتەۋ ورنى دا الداعى قىزمەتتە يدەيالوگيا سالاسىنىڭ ساياسي باعدارى مەن دۇرىس بەتالىسىن جەتەكشى ەتىپ، قىزمەتتەردى ويداعىداي ورىستەتىپ، تاريح زەرتتەۋ جاعىنداعى ەرەكشەلىگىمىزدى ساۋلەلەندىرىپ، تاريحي تۇرعىدا شينجياڭدى جانە تۇرپاندى كوبىرەك بايىمداپ، تۇرپان ءىلىمىن زەرتتەۋ جاعىنداعى رولىىن ويداعىداي ساۋلەلەندىرەدى.
وسى رەتكى ەكى ماجىلىستە بىلاي دەپ اتاپ كورسەتىلدى: دالمە-ءدال شارا قولدانۋعا تاباندى بولىپ، تۇساۋ بولاتىن كورنەكتى ماسەلەلەردى شەشۋدى ءتۇيىن ەتىپ، كەدەيلەردى سۇيەمەلدەۋ كەلەلى ينجەنەرياسى مەن قىستاققا، وتباستارىنا جانە جەكە ادامدارعا كومەكتەسىپ سۇيەمەلدەۋ شاراسىن مىقتى يگەرىپ، ولقىلىقتاردى وڭاۋدى شىعار ءتۇيىن ەتىپ، سۇيەمەلدەۋ-قامتاماسىز ەتۋ جۇيەسىن كۇشەيتىپ، ساياسات جاعىندا بەيىمدەلۋ مەن اۋىل شارۋاشىلىعىنا ساياتىن قارجىنى بىرىكتىرۋ تەبىنىن كۇشەيتىپ، تالاپ بويىنشا، جەرگىلىكتى جاعديعا قاراي ءىس ىستەپ، ءبىر وتباسىنا ءبىر ساياسات قولدانىپ، جەكە ادامدارعا دەيىن تياناقتاندىرۋ كەرەك. بۇل كۇندەرى، كوشىرىپ ورنالاستىرۋ قىزمەتىمەن قاربالاس بولىپ جۇرگەن تاشقورعان تاجىك اۆتونوميالى اۋدانى مارياڭ اۋىلى دي قىستاعى پارتيا قىزمەتى كوميتەتىنىڭ شۋجيى لۇڭ شينشيڭ تىلشىگە: بيىل 51 قىستاق تۇرعىنى تاۋدان اۋدانداعى ىڭعايلى جەرگە كوشىرىپ ورنالاستىرىلادى، دەدى. اۆتونوميالى رايوندىق ەكى ءماجىلىس اياقتاعان سوڭ، ونىڭ كەدەيلىكتەن قۇتىلدىرۋدان قامال الۋعا دەگەن سەنىمى كۇشەيە ءتۇستى. ول بىلاي دەدى: ۇكىمەت قىزمەتىنەن باياندامادا كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ، جەرگىلىكتى جاعدايعا قاراي ءىس ىستەپ، ءبىر وتباسىنا ءبىر ساياسات قولدانىپ، جەكە ادامدارعا دەيىن تياناقتاندىرۋ العا قويىلدى. كەلەسى قادامدا، ءبىز ەكى ءماجىلىستىڭ يدەياسىن جانە رۋحىن كوشىرىلەتىن ءار وتباسىنا جەتكىزىپ، كادر-بۇقارامەن بىرلىكتە، ىڭعايلى جەرگە كوشىرۋ قىزمەتىن جاقسى ىستەيمىز.كوشىرىلگەننەن كەيىن اۋدانىمىزدا ءبىر تۇتاس تاربيەلەۋ بازاسى قۇرىلادى، 18 دەن 40 جاسقا دەيىنگى ارتىق ەڭبەككۇشتەردى كۋرسىگە قاتىناستىرىپ تاربيەلەگەننەن كەيىن قاشقارعا ءبىر توبىن جۇمىسقا ورنالاستىرىپ، كوشىرىلگەن وتباستارىن ەرتەرەك كەدەيلىكتەن قۇتىلدىرامىز.
قاراقاش اۋدانى يىڭبين الەۋمەتىك اۋماعىنىڭ تۇرعىنى مامەت ابلا مامەت 3 جىلدىڭ الدىندا ديقان بولاتىن.پارتيا مەن ۇكىمەتتىڭ كومەگىندە، ول سىرت جەرگە بارىپ جۇمىس ىستەپ، تۇرمىس دەڭگەيىن جوعارىلاتتى.قازىر ول شاعىن ساۋدامەن اينالىسىپ، ءۇيىن قىستاقتان اۋدان قالاشىعىنا كوشىرىپ، جاقسى تۇرمىس كەشىرۋدە. اۆتونوميالى رايوندىق ەكى ءماجىلىس اياقتاعان سوڭ،ونىڭ تاماشا تۇرمىسقا دەگەن سەنىمى ءتىپتى دە ارتا ءتۇستى.ول بىلاي دەدى: ۇكىمەت قىزمەتىنەن باياندامادا، حالىق تۇرمىسىنا قاتىستى ناقتى ىستەر مەن يگى ىستەردى كوبىرەك ىستەۋ ارقىلى بۇكىل رايونىمىزداعى ءار ۇلت حالقىنىڭ تابىس سەزىمى مەن باقىت سەزىمىن ۇزدىكسىز ارتتىرۋ كەرەكتىگى العا قويىلدى. مىنە بۇل ءبىز سياقتى بۇقارا اراسىندا ءتىپتى دە اتقىن كورنەكتىلەندى، ءبىز اۆتونوميالى رايوننىڭ كەدەيلەردى سۇيەمەلدەۋ ساياساتىنان يگىلىكتەندىك، بالالارىمىز مەكتەپتە تەگىن وقۋدا، جالپى حالىقتىڭ دەنساۋلىعىن تەگىن تەكسەرۋدە، ۇكىمەت ءبىزدى جۇمىسقا تانىستىرۋدا؛ تۋىس بولعان كادرلار ءۇي شارۋامىزعا كومەكتەسۋدە،مىنە وسىلاردان مەن شينجياڭدا جاساپ جاتقانىما ماقتانامىن، پارتيامىزدىڭ ساياساتى وتە جاقسى، پارتيا مەن ۇكىمەت جاقسى.
ۇكىمەت قىزمەتىنەن باياندامادا بىلاي دەپ اتاپ كورسەتىلدى: كاسىپتەندىرۋ، كاسىپ كوزىن اشۋدى ءتۇرلى ارنالارمەن جەبەپ، حالىق تۇرمىسىن زور كۇشپەن قامتاماسىزداندىرىپ جانە جاقسارتىپ، ءار ۇلت حالقىنىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرۋ قاجەت. مىنە بۇل مەكتەپ ءبىتىرۋ الدىندا تۇرعان اقسۋ قالاسىنىڭ ستۋدەنتى ۋاڭ مىڭعا زور شابىت بەردى. ول بىلاي دەدى: مەن ەكى ءماجىلىستىڭ قىزمەت بايانداماسىن تىڭداعان سوڭ، اۆتونوميالى رايوننىڭ كاسىپ كوزىن اشۋ جانە كاسىپتەندىرۋدى زور كۇشپەن قولدايتىندىعىن ءبىلىپ، ەرەكشە تەبىرەندىم. مىنە وسىنداي جابال يگىلىك جاراتىپ، جاڭالىق اشقان تاماشا جاعدايدا، مەنىڭ دە كاسىپ كوزىن اشىپ يگىلىك جاراتۋ سەنىمىم ارتا ءتۇستى.قازىر كاسىپ كوزىن اشۋعا شابىتتاندىرۋدىڭ باجى جاعىنداعى ءتيىمدى ساياساتى، شاعىن سومالى قارىز اقشا بەرۋ، كومەك قاراجات، ورىنمەن قامداۋ سياقتى سۇيەمەلدەۋ ساياساتتارى جاپپاي تياناقتانۋدا، مەن وقۋ بىتىرگەن سوڭ، وسى ءتيىمدى ساياساتتاردىڭ دەمەۋىمەن، ينتەرنەت تەكشەسىنەن پايدالانىپ، اقسۋدىڭ جەرگىلىكتى-ەرەكشە ونىمدەرىن ەلىمىز ءىشى-سىرتىنا شىعارىپ ساتۋدى ويلاستىرىپ وتىرمىن.

بەرىپ كەت ورامالىڭدى

دوستار

الىستاعى اق ەركە