جاڭا حابارلار

«مادەني مۇرالار ساياحاتى» اقسۋ ايماعىنىڭ قىسقى ساياحاتىن جانداندىردى

    كەلۋ قاينارى: شينجياڭ حالىق راديو ىستانسياسى    2018-11-16 10:47:12  
اقسۋ راديو ستانسياسىنىڭ ءتىلشىسى لي پۋ، ەرىكتى ءتىلشى ۋاڭ جينشيا جانە ۋي شياۋحۇڭداردىڭ حابارى: بيىل قسىتا، اقسۋ ايماعى «مادەني مۇرالار ساياحاتىن» بەلسەنە ورىستەتىپ، تاريحي مادەني كورىنىس تۇيىندەرىن جەرگىلىكتى ورىننىڭ ەرەكشە ءان-بيىمەن ۇشتاستىرىپ، شار-تاراپتان كەلەتىن ساياحاتشىلاردى باۋراپ، قىسقى ساياحاتتى جانداندىردى.
11-ايدىڭ 12-كۇنى، اۋات اۋدانىنىڭ دولان تايپاسى كورىنىس رايونىندا، جەرگىلىكتى دولان مۇقامى توراڭعى ورمانى قويناۋىندا ساحناعا كوتەرىلدى، دولان تايپاسى جىگىتتەرىنىڭ اسقاق تا اسەم اۋەنى مەن بويجەتكەندەرىنىڭ مىڭ بۇرالعان ءبيى جەر-جەردەن كەلگەن ساياحاتشىلاردى باۋرادى. بەيجيڭدىك ساياحاتشى گو چۇڭ: «بۇل جەردىڭ گۋمانتيارلىق مادەنيەتىن جانە جەرگىلىكتى سالت-ساناسىن سەزىندىك، وتە كەرەمەت، شينجياڭدىقتار وتە مەيماندوس ەكەن»،-دەدى.
شينجياڭ ساياحاتىنىڭ ءۇرتىس جاندانۋىنا ساي، دولان تايپاسى كورىنىس رايونى قازىر جىل بويى سىرتقا اشىلاتىن بولدى، قازىر، كۇنىنە مىڭعا جۋىق ساياحاتشىنى قابىلداۋدا. اۋات اۋدانى دولان تايپاسى كورىنىس رايونىنىڭ باس مەڭگەرۋشىسى ۋاڭ شياۋپيڭ بىلاي دەدى: «ورنىقتىلىقتىڭ تيىمدىلىگى كورنەكتىلەنىپ، ساياحاتشى مولشەرى بىلتىرعى وسى مەزگىلدەگىدەن %50 تىڭ ۇستىندە ارتتى. دولان تايپاسى دا كورىنىس رايونىن قۇرۋ اياق الىسىن جەدەلدەتتى، 8 ميلليون يۋاننان ارتىق قارجى جۇمساپ، توراڭعى مادەنيەت سارايىن سالدىق ءارى دولان كەرۋەن سارايىن كەمەلدەندىرۋدى جەدەل ىلگەرلەتىپ، ساياحاتشىلاردىڭ وسى ارادا تۇرىپ، توراڭعىنى تاماشالاۋ قاجەتىن قاناعاتتاندىرۋدى جوسپارلادىق.
دۋماندى دولان مۇقامى اۋىلىنان الىستاپ، شىعىس سولتۇستىكتى بەتكە الا كۇشار اۋدانىنا كەلدىك. كۇسان ۋاڭى ورداسىندا، ساياحاتشىلاردىڭ ورداداعى كۇسان مۇراجايى، مادەنيەت مۇراجايى، سوڭعى ۇرپاق كۇسان ۋاڭى گۋان تايدىڭ چيڭ پاتشالىعى داۋىرىندەگى قورعانى سياقتىلاردى ەكسكورتسيالاۋىنا، بايىرعى كۇسان مادەنيەتىن، سوڭعى ۇرپاق «كۇسان ۋاڭىنىڭ» وتانشىلدىق سۇيىسپەنشىلىگىن تۇسىنۋىنە مۇمكىندىك جاسايمىز. ىشكى مۇڭعۇلدىق ساياحاتشى فان يۇينان: «كۇشار گۋمانتيارلىق تاريحي كورىنىسكە باي، تاريحى دا نەداۋىر ۇزاق جەر ەكەن»،-دەدى.
بيىل قىستا، اقسۋ ايماعى مادەني مۇرا ساياحاتى سارا ساياحات لەنيالارىن اشىپ، كۇسان ۋاڭى ورداسى، سۋباش بۇتحاناسى كونە جۇرتى، قىزىل مىڭ ءۇي سياقتى كەيبىر ايگىلى كورىنىس رايوندارىن ۇشتاستىرىپ، ساياحاتشىلاردىڭ اقسۋ تاريحىن تۇسىنۋىنە، ءماشىراپ، دولان ءبيى سياقتى حالىقتىق كوركەمونەردى تاماشالاپ، كۇسان مادەنيەتى مەن دولان مادەنيەتىنىڭ وزگەشە تارتىمدىلىعىن سەزىنۋىنە مۇمكىندىك جاسايدى. اقسۋ ايماقتىق ساياحات مەكەمەسىنىڭ ورىنباسار باستىعى حان يۇي بىلاي دەدى: «اقسۋعا كەلگەن بارلىق ساياحات ۇيىرمەسىنىڭ ادام سانى 100 دەن اسسا بولعانى، تارىم ءان-ءبي ۇيىرمەسى كوپشىلىككە كۇسان ءان-ءبيىن وزەك ەتكەن ساياحات ادەبيەت-كوركەمونەر ويىن نومەرلەرىن تەگىن قويىپ بەرەدى. قىستا اقسۋعا كەلگەن بارلىق ساياحات ۇيىرمەسى ۇشاق جالداپ، ارناۋلى پويەز جاعىندا ەرەكشە ءتيىمدى باعادان يگىلىكتەنەدى، نەگىزىنەن بارلىق كورىنىس رايوندارىندا ەسىك بەلەتىن لايىقتى ارزانداتۋ جانە ەسىك بەلەتى اقىسىن كەشىرىم ەتۋ سياقتى ساياساتتاردى اتقارادى. وسى ورايدا قىسقى ساياحاتتىڭ قىزا ءتۇسۋىن، ساياحاتتىڭ سايابىر كەزىندە دە ساياحاتشىلاردىڭ مول بولۋىن ءۇمىت ەتەمىز».

بەرىپ كەت ورامالىڭدى

دوستار

الىستاعى اق ەركە