جاڭا حابارلار

دەنساۋلىقتى تەگىن تەكسەرۋ ارقىلى حالىقتىڭ اقاۋسىزدىق ارمانىن ورىندادى

    كەلۋ قاينارى: شينجياڭ حالىق راديو ىستانسياسى    2018-11-16 10:58:00  
اۆتونوميالى رايوننىڭ ەمدەۋ جاعىندا حالىققا تيىمدىلىك جەتكىزۋ ينجەنەرياسىنىڭ ءبىرى بولعان، ۇدايى ءۇش جىل ورىستەتىلگەن جالپى حالىقتىڭ دەنساۋلىعىن تەكسەرۋ ينجەنەرياسى ـــ شينجياڭداعى قالا-اۋىل تۇرعىندارىنا دەنساۋلىق ساقتاۋ جاعىندا تيىمدىلىك جەتكىزىپ، ءار ۇلت بۇقاراسىنىڭ دەنساۋلىعىن تەگىن تەكسەرۋ ارقىلى ناۋقاسىن «ەرتە بايقاپ، ەرتە ايىرتىپ، ەرتە ەمدەتىپ»، اقاۋسىز تۇرمىس تانىمىن جۇرەكتەرگە تەرەڭ ۇيالاتتى.
11-ايدىڭ 12-كۇنى تاڭەرتەڭ ەرتە، قاراقاش اۋدانى بوستان الەۋمەتتىك اۋماعىنىڭ تۇرعىنى حايبىر ءماتروزى جەرگىلىكتى ورىننىڭ جالپى حالىقتىڭ دەنساۋلىعىن تەكسەرۋ تۇيىنىنە دەنساۋلىعىن تەكسەرتۋگە بارىپ، ءبىر ساعاتتا قاندى ساراپتاۋ، B ءتيپتى اسىرە دىبىس تولقىنى اسپابىمەن جانە جۇرەك كارديوگرامماسىمەن تەكسەرۋ سياقتى دەنساۋلىق تەكسەرۋ تۇرلەرىن تەكسەرتتى. ول تىلشىگە، ءار جىلى جالپى حالىقتىڭ دەنساۋلىعىن تەگىن تەكسەرۋگە قاتىناسۋدى ادەتكە اينالدىرعانىن ايتا كەلىپ بىلاي دەدى: « بۇل جەردە بۇقاراعا وتە مۇقيات قىزمەت وتەلەدى، قاتتى قۋاندىم. دەنساۋلىق تەكسەرۋ ــ دەنساۋلىعىمىزدى عانا تەكسەرىپ قالماستان، تاعى ءبىزدىڭ دەنساۋلىق ساقتاۋ جونىندەگى تانىمىمىزدى دا وزگەرتتى».
ەمدەۋ-دەنساۋلىق ساقتاۋ ءتۇزىلىسى رەفورماسىنىڭ «دەنساۋلىق ساقتاۋ جاعىنداعى تيىمدىلىگىن» ءار ۇلت بۇقاراسىنا جەتكىزۋ ءۇشىن، 2016-جىلى 9-ايدان باستاپ، رايونىمىز جالپى حالىقتىڭ دەنساۋلىعىن تەگىن تەكسەرۋ ينجەنەرياسىن باستاپ، شينجياڭداعى قالا-اۋىل تۇرعىندارىن ءار جىلى دەنساۋلىعىن ءبىر رەت تەگىن تەكسەرۋدەن يگىلىكتەندىردى. بيىل ورىستەتىلگەن 3-رەتكى جالپى حالىقتىڭ دەنساۋلىعىن تەگىن تەكسەرۋدە، تاعى جاسى 15 كە تولعان جانە 15 جاستان جوعارعى قالا-اۋىل تۇرعىندارىنىڭ كوكىرەك ءبولىمىن رەنتىگەنگە الۋ، سونداي-اق قانتتى نەسەپ، قان قىسىمىنىڭ جوعارى بولۋى سياقتى سوزىلمالى ناۋقاستارعا دەنساۋلىق ساقتاۋ جاعىندا جەتەكشىلىك ەتۋ جانە اقىل-كەڭەس بەرۋ سياقتى تۇرلەر كوبەيتىلدى. 11-ايدىڭ 13-كۇنىنە دەيىن، 3-رەتكى جالپى حالىقتىڭ دەنسۋلىعىن تەگىن تەكسەرۋدە دەنساۋلىعىن تەكسەرتكەندەردىڭ سانى 17 ميلليون 257 ميلليون 200 ادام بولىپ، دەنساۋلىعىن تەكسەرتۋ مولشەرى %98.14 كە جەتتى، مۇنىڭ ىشىندە وڭتۇستىك شينجياڭنىڭ ءۇش ايماق، ءبىر وبىلىسىنان دەنساۋلىعىن تەكسەرتكەندەر 8 ميلليون 841 مىڭ 800 ادام بولىپ، دەنساۋلىعىن تەكسەرتۋ مولشەرى %97.05 كە جەتتى.
جالپى حالىقتىڭ دەنساۋلىعىن تەگىن تەكسەرۋدىڭ بۇقاراعا اناعۇرلىم جاناسىمدى بولۋىنا، نەگىزگى ساتىعا قىزمەت وتەۋىنە كەپىلدىك ەتۋ ءۇشىن، جەر-جەردىڭ دەنساۋلىق ساقتاۋ تاراۋلارى دەنساۋلىق تەكسەرۋ جاعىندا قىزمەت وتەۋ ونىمدىلىگى مەن ساپاسىن ۇزدىكسىز جوعارىلاتتى. بۇراتالا قالاسى شينجياڭعا باعىتتامالى كومەككە كەلگەن ەمدەۋ ماماندارى مەن جەرگىلىكتى ورىنداعى ەمدەۋ ماماندارىنان ۇيىمداسقان قىزمەت وتەۋ اترەتىن قارتتار،ءال-اۋقاتى تومەندەر، ناۋقاسقا شالدىققاندار، مۇمكىندىگى شەكتەۋلى جاندار، جۇكتى ايەلدەر سياقتى ءجۇرىپ-تۇرۋى قولايسىز بۇقارانىڭ ۇيىنە بارىپ، دەنساۋلىعىن تەكسەرۋ قىزمەتىن وتەۋگە ۇيىمداستىردى؛ اقسۋ قالاسى تۇرعىنداردىڭ دەنساۋلىعىن تەكسەرۋ APP جۇمساق بولشەگىن ىسكە قوسىپ، تۇرعىنداردىڭ قول تەلەفون ارقىلى جەكەنىڭ دەنساۋلىق ارحيۆىن كەز-كەلگەن ۋاقىتتا تەكسەرە الۋىنا ءارى توراپتا نومىرگە الدىن الا ۋادەلەسۋىنە مۇمكىندىك جاسادى؛ جەمسارى اۋدانى شيپاحانادا توراپ تەكشەسىن، الەۋمەتتىك اۋماقتا «دەنساۋلىق ساقتاۋ ورنىن» قۇرۋ ارقىلى تۇرعىنداردىڭ دەنساۋلىعىن ساقتاۋ جۇمىستارىن باسقارۋ، ەمدەۋ-دەنساۋلىق ساقتاۋ سياقتى جالپى حالىقتىڭ دەنساۋلىعىن تەگىن تەكسەرگەننەن كەيىنگى قىزمەت وتەۋدى تۇرعىندارعا جەتكىزدى.
جەمسارى اۋداندىق حالىق شيپاحاناسىنىڭ باستىعى جاڭ شۋەشىڭ بىلاي دەدى: «تۇرعىنداردىڭ دەنساۋلىعىن تەكسەرگەننەن كەيىنگى ينفورماتسياسىن تۇگەلدەي دەنساۋلىق ساقتاۋ ورنى دەگەن توراپ شيپاحاناسىنىڭ تەكشەسىنە ەنگىزىپ، دەنساۋلىق ساقتاۋ ارحيۆىن تۇرعىزۋدى، ەگجەي-تەگجەي قىزمەت وتەۋدى، سوزىمالى ناۋقاستاردى باسقارۋدى قامتىعان جۇمىستاردى ىستەدىك، سول ارقىلى وسىنداي ەمدەۋ جاعىندا قىزمەت وتەۋ مەن ەمدەۋ جاعىندا حالىققا تيىمدىلىك جەتكىزۋ ساياساتىن ءار ءبىر وتباسىنا جەتكىزدىك».
3 جىلدان بەرى، اۆتونوميالى رايونىمىز جالپى حالىقتىڭ دەنساۋلىعىن تەكسەرۋگە 3 ميلليارد 190 ميلليون يۋان قارجى بوساتىپ، 78 مىڭنان ارتىق ەمدەۋ قىزمەتكەرىن شىعارىپ، 2 مىڭ 800 دەي دەنساۋلىق تەكسەرۋ ءتۇيىنىن قۇرىپ، جەر ـ جەردىڭ دەنساۋلىق ساقتاۋ قۇرىلىمدارىنا ءىرى دەنساۋلىق ساقتاۋ جابدىعىنان 6 مىڭ 600 دەيىن ورنالاستىرىپ، اۋىل-قالاشىقتىڭ دەنساۋلىق ساقتاۋ ورنىن ولشەمدەندىرۋ قۇرىلىسىن جەبەدى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ: قازىرگە دەيىن، رايونىمىز بويىنشا اۋىل-قالاشىقتىڭ دەنساۋلىق ساقتاۋ ورىندارىن ولشەمدەندىرۋ قۇرىلىسى %88.17 كە جەتىپ، نەگىزگى ساتىنىڭ ەمدەۋ قۇرىلىمى مەن جۇمساق بولشەگى جاعىندا بىردەي جوعارىلاۋ بولدى دەي كەلىپ بىلاي دەدى: «جالپى حالىقتىڭ دەنساۋلىعىن تەكسەرۋدەن بۇرىن، قان تۇيىرشىگىنە بۇكىلدەي اۆتوماتتاتتى تالداۋ جاساۋ، اۆتوماتتى بيوحيميالىق تەكسەرۋ، DR رەنتىگەن اسپابى سياقتى وسى ءۇش جابدىق اۋىل-قالاشىقتىڭ دەنساۋلىق ساقتاۋ ورنى مەن الەۋمەتتىك اۋماقتىڭ قىزمەت وتەۋ ورتالىعىندا نەداۋىر از بولاتىن، بۇرىندارى قىزمەت وتەۋ قۋاتى ىلەسە الماسا، ەندى ءبىر جاقتان بۇقارادان ەمدەلەتىندەر وتە از بولدى. قازىر جالپى حالىقتىڭ دەنساۋلىعىن تەكسەرۋ قىزمەتى ىستەلگەندىكتەن، باسىم كوپ اۋىل-قالاشىقتىڭ دەنساۋلىق ساقتاۋ ورنىندا وسى ءۇش ءىرى جابدىق بولۋدى قامتاماسىزداندىردىق. ەندى ءبىرى جالپى حالىقتىڭ دەنساۋلىعىن تەكسەرۋ قىزمەتى ارقىلى نەگىزگى ساتىداعى ەمدەۋ قىزمەتكەرلەرىن تاربيەلەۋ تەبىنىن ۇزدىكسىز كۇشەيتىپ، ولاردىڭ نەگىزگى ساتىنىڭ ەمدەۋ جاعىندا قىزمەت وتەۋ دەڭگەيى مەن قابىلەتىن جوعارلاتتىق، ءسويتىپ، بۇقارانىڭ ولارعا ريزا بولۋ دارەجەسى دە بارعان سايىن جوعارىلادى».

بەرىپ كەت ورامالىڭدى

دوستار

الىستاعى اق ەركە