ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານໂດໂນ ທຣຳ ປະທານາທິບໍດີອາເມຣິກາ ກ່າວໃນວັນທີ 13 ມິຖຸນານີ້ວ່າ: ຫຼັງຈາກຕົນພົບປະກັບທ່ານກິມເຈີງອູນ ປະທານຄະນະກຳມະການແຫ່ງລັດ ສປປ ເກົາຫຼີ, ອາເມຣິກາບໍ່ໄດ້ຜະເຊີນກັບໄພຂົ່ມຂູ່ດ້ານນິວເຄຼຍຈາກ ສປປ ເກົາຫຼີອີກແລ້ວ.
ຫຼັງຈາກພົບປະກັບທ່ານກິມເຈີງອູນ ຢູ່ປະເທດສິງກະໂປ, ທ່ານໂດໂນ ທຣຳ ໄດ້ເດີນທາງເຖິງອາເມຣິກາໃນຕອນເຊົ້າວັນທີ 13 ມິຖຸນານີ້ ແລະ ໄດ້ລົງຄວາມຄິດເຫັນຜ່ານສື່ສັງຄົມອອນລາຍຫຼັງເຮືອບິນລົງຈອດວ່າ: ການພົບປະກັນລະຫວ່າງຕົນກັບທ່ານກິມເຈີງອູນແມ່ນປະສົບການທີ່ດີ ແລະມີຄວາມຕັ້ງໜ້າ, ສປປ ເກົາຫຼີມີກຳລັງບົ່ມຊ້ອນອັນມະຫາສານໃນຕໍ່ໜ້າ ແຕ່ບໍ່ໄດ້ເປັນບັນຫາໜັກໜ່ວງ ແລະອັນຕະລາຍກວ່າໝູ່ຕໍ່ອາເມຣິກາອີກແລ້ວ.
ທ່ານໂດໂນ ທຣຳ ຍັງກ່າວຕື່ມວ່າ: ຂໍພຽງແຕ່ວ່າ ອາເມຣິກາ ແລະ ສປປ ເກົາຫຼີມີຄວາມຈິງໃຈຕໍ່ກັນໃນການເຈລະຈາໃນຕໍ່ໜ້າ, ອາເມຣິກາກໍຈະສາມາດປະຢັດເງິນໄດ້ຈຳນວນຫຼວງຫຼາຍ ເພາະບໍ່ຕ້ອງດຳເນີນການຊ້ອມຮົບຮ່ວມອາເມຣິກາ-ສ.ເກົາຫຼີອີກ.
ຄຳເຫັນ
0