ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ມິຖຸນານີ້,ທະນາຄານໂລກໄດ້ເປີດເຜີຍບົດລາຍງານສະພາບເສດຖະກິດຫວຽດນາມສະບັບຫຼ້າສຸດໂດຍຄາດວ່າ ປີ 2018 ນີ້,ລວມຍອດຜະລິດຕະພັນພາຍໃນຫຼື GDPຂອງຫວຽດນາມຈະຂະຫຍາຍຕົວ 6,8% ສູງກວ່າການຄາດຄະເນກ່ອນໜ້ານີ້ວ່າຈະຂະຫຍາຍຕົວໃນລະດັບ 6,5%.
ບົດລາຍງານລະບຸວ່າ: ເນື່ອງຈາກໄດ້ຮັບຜົນປະໂຫຍດຈາກສະພາບແວດລ້ອມພາຍນອກທີ່ເອື້ອອຳນວຍ, GDPຂອງຫວຽດນາມໃນໄຕມາດທຳອິດປີນີ້ໄດ້ຟື້ນຄືນຢ່າງເດັ່ນຊັດ ຄືຈັງຫວະການເຕີບໂຕບັນລຸເກືອບ 7,4% ເຊິ່ງກຳລັງຂັບເຄື່ອນການຂະຫຍາຍຕົວຂອງເສດຖະກິດລວມທັງການຂະຫຍາຍຕົວລັກສະນະຮອບວຽນຂອງຄວາມຕ້ອງການໃນໂລກ, ການລົງທຶນໂດຍກົງຈາກຕ່າງປະເທດແລະການລົງທຶນພາກເອກະຊົນໄດ້ຟື້ນຄືນກໍຄືແຮງງານເຄື່ອນຍ້າຍຈາກຂະແໜງການກະສິກຳໄປສູ່ຂະແໜງການຜະລິດແລະການບໍລິການ.
ບົດລາຍງານລະບຸຕື່ມວ່າ: ເຖິງວ່າສະພາບເສດຖະກິດຫວຽດນາມໃນໄລຍະສັ້ນໄດ້ດີຂຶ້ນກໍຕາມ,ແຕ່ກໍຍັງຜະເຊີນກັບຄວາມສ່ຽງຫຼາຍສົມຄວນ,ພາຍໃນຫວຽດນາມ,ການປັບໂຄງສ້າງລັດວິສາຫະກິດແລະຂະແໜງການທະນາຄານດຳເນີນໄປຢ່າງຊັກຊ້າ ເຊິ່ງອາດຈະສົ່ງຜົນບໍ່ດີຕໍ່ສະພາບການທະນາຄານດ້ານມະຫາພາກ ທັງເກີດໜີ້ສາທາລະນະຢ່າງຫຼວງຫຼາຍ; ສ່ວນໃນດ້ານຄວາມສ່ຽງພາຍນອກລວມທັງລັດທິປົກປ້ອງການຄ້າຮຸນແຮງຂຶ້ນແລະອື່ນໆ.
ຄຳເຫັນ
0