ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເນື່ອງໃນໂອກາດວັນສ້າງຕັ້ງໜັງສືພິມປະຊາຊົນລາຍວັນ ຫຼື ເຢີນມິນຢື້ປ້າວ ຄົບຮອບ 70 ປີ, ທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ສົ່ງຈົດໝາຍອວຍພອນ, ໂດຍຕາງໜ້າສູນກາງພັກສະແດງຄວາມຊົມເຊີຍຢ່າງສູງ ແລະສະແດງຄວາມຢື້ຢາມຖາມຂ່າວດ້ວຍຄວາມຈິງໃຈຕໍ່ຜູ້ປະກອບອາຊີບຂ່າວແລະພະນັກງານທີ່ອອກກິນເບ້ຍບຳນານຂອງສຳນັກງານໜັງສືພິມ.
ໃນຈົດໝາຍອວຍພອນຂອງທ່ານ ສີຈິ້ນຜິງ ລະບຸວ່າ: 70 ປີມານີ້, ພາຍໃຕ້ການນຳພາຂອງສູນກາງພັກຢ່າງເຂັ້ມແຂງ, ໜັງສືພິມປະຊາຊົນລາຍວັນ ໄດ້ຍຶດໝັ້ນຫຼັກການດຳເນີນງານໂດຍນັກການເມືອງແລະລັກສະນະພັກ, ຮ່ວມຈິດຮ່ວມໃຈກັບພັກແລະປະຊາຊົນ, ໄດ້ເສີມຂະຫຍາຍບົດບາດທີ່ສຳຄັນທີ່ສຸດໃນທຸກສະໄໝປະຫວັດສາດຄື: ການປະຕິວັດ, ການກໍ່ສ້າງ ແລະການປະຕິຮູບ ແລະໄດ້ສ້າງປະຫວັດສາດອັນມີກຽດສະຫງ່າ.
ທ່ານ ສີຈິ້ນຜິງ ເນັ້ນວ່າ: ປັດຈຸບັນ, ສັງຄົມນິຍົມທີ່ມີສີສັນພິເສດຂອງຈີນ ໄດ້ເຂົ້າສູ່ຍຸກໃໝ່, ໜັງສືພິມປະຊາຊົນລາຍວັນຕ້ອງຮ່ຳຮຽນແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ແລະເນື້ອໃນຈິດໃຈຂອງກອງປະຊຸມໃຫຍ່ພັກກອມມູນິດຈີນຄັ້ງທີ 19 ຢ່າງເລິກເຊິ່ງ, ປະຕິບັດຕາມພາລະໜ້າທີ່ທີ່ພັກມອບໝາຍໃຫ້ກ່ຽວກັບຂ່າວ ທັງນຳພາຫາງສຽງ, ຍຶດໝັ້ນແນວທາງການເມືອງທີ່ຖືກຕ້ອງ, ສົ່ງເສີມມູນເຊື້ອອັນດີງາມ, ລົງເລິກການປະຕິຮູບແລະການປະດິດສ້າງໃໝ່, ເສີມສ້າງຖັນແຖວພະນັກງານ, ປັບປຸງວິທີລາຍງານຂ່າວ, ເລົ່າເລື່ອງຂອງຈີນໃຫ້ດີ, ສ້າງສະຖານະພາບແຫ່ງການລາຍງານຂ່າວດ້ວຍສາລະພັດສື່, ຍົກສູງຄວາມສາມາດລາຍງານຂ່າວ, ຄວາມສາມາດຊັກນຳຫາງສຽງ, ອິດທິພົນ ແລະຄວາມໜ້າເຊື່ອຖື, ປະກອບສ່ວນອັນໃໝ່ທີ່ຍິ່ງໃຫຍ່ກວ່າເກົ່າເພື່ອບັນລຸເປົ້າໝາຍບາກບັ່ນສູ້ຊົນ 100 ປີ 2 ເຫດການ ແລະເຮັດໃຫ້ຄວາມໄຝ່ຝັນຂອງຈີນໃນການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຄືນໃໝ່ນັ້ນບັນລຸຜົນເປັນຈິງ.
ຄຳເຫັນ
0