ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ມິຖຸນານີ້, ຜູ້ນຳ 4 ປະເທດຄືລາວ, ກຳປູເຈຍ, ມຽນມາແລະຫວຽດນາມໄດ້ຈັດກອງປະຊຸມສຸດຍອດ 4 ປະເທດຄັ້ງທີ 9 ຢູ່ນະຄອນຫຼວງບາງກອກປະເທດໄທ. ໂດຍເນັ້ນໜັກຈະສືບຕໍ່ຮ່ວມມືເພື່ອຫຼຸດຜ່ອນຄວາມແຕກໂຕນກັນກັບປະເທດອາຊຽນອື່ນໆ, ແລະສະເໜີໃຫ້ເພີ່ມທະວີການຮ່ວມມືໃນຂົງເຂດໂທລະຄົມ, ສົ່ງເສີມການພັດທະນາການຄ້າເອເລັກໂຕຼນິກແລະອື່ນໆ.
ຫົວຂໍ້ຂອງກອງປະຊຸມສຸດຍອດຄັ້ງນີ້ແມ່ນ “ເພື່ອເຊື່ອມໂຍງເສດຖະກິດແລະເຊື່ອມຈອດກັນຢ່າງເລິກເຊິ່ງກວ່າເກົ່າ”. ທ່ານຮຸນແຊນ ນາຍົກລັດຖະມົນຕີກຳປູເຈຍ, ທ່ານທອງລຸນ ສີສຸລິດ ນາຍົກລັດຖະມົນຕີລາວ, ທ່ານຫງວຽນຊວນຟຸກ ນາຍົກລັດຖະມົນຕີຫວຽດນາມແລະທ່ານວິນມິນ ປະທານາທິບໍດີມຽນມາໄດ້ເຂົ້າຮ່ວມກອງປະຊຸມ. ກຳປູເຈຍເປັນປະເທດປະທານໝູນວຽນໃນປີນີ້.
ໃນງານຖະແຫຼງຂ່າວທີີ່ຈັດຂຶ້ນຫຼັງກອງປະຊຸມສຸດຍອດຄັ້ງນີ້, ທ່ານຮຸນແຊນກ່າວວ່າ, ສີ່ປະເທດຈະສືບຕໍ່ເພີ່ມທະວີການຮ່ວມມື, ລວມທັງເພີ່ມທະວີການເຊື່ອມຈອດພື້ນຖານໂຄງລ່າງຄົມມະນາຄົມ, ຊຸກຍູ້ການພັດທະນາການຄ້າຊາຍແດນແລະການຄ້າການລົງທຶນເຊິ່ງກັນແລະກັນແລະອື່ນໆ. ພ້ອມກັນນັ້ນສີ່ປະເທດຈະເພີ່ມທະວີການຮ່ວມມືໃນຂົງເຂດໂທລະຄົມ, ລວມທັງຍົກລະດັບການເຊື່ອມຈອດກັນດ້ານເຕັກນິກການສື່ສານ, ສົ່ງເສີມການພັດທະນາການຄ້າເອເລັກໂຕຼນິກແລະອື່ນໆ.
ກອງປະຊຸມສຸດຍອດ 4 ປະເທດດັ່ງກ່າວຄັ້ງທຳອິດໄດ້ຈັດຂຶ້ນຢູ່ນະຄອນຫຼວງວຽງຈັນ ສປປ ລາວເມື່ອປີ 2004.
ຄຳເຫັນ
0