ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 16 ມິຖຸນານີ້, ງານມະຫະກຳຮູບເງົາສາກົນຊຽງໄຮຄັ້ງທີ 21 ໄດ້ໄຂຂຶ້ນຢ່າງເປັນທາງການ. ໃນຖານະເປັນໜຶ່ງໃນງານມະຫະກຳຮູບເງົາທີ່ຂະໜາດໃຫຍ່ທີ່ສຸດແລະມີອິດທິພົນສູງສຸດໃນເຂດອາຊີປາຊີຟິກ, ທາງວິຊາການແລະຊົງອິດທິພົນຂອງງານມະຫະກຳຮູບເງົາສາກົນຊຽງໄຮໄດ້ຮັບການຮັບຮອງຈາກຝ່າຍຕ່າງໆ, ແລະກາຍເປັນເວທີແລກປ່ຽນໃນວົງການຮູບເງົາປະເທດຕ່າງໆ.
ຕອນຄ່ຳວັນທີ 16 ມິຖຸນານີ້, ທ່ານເຊີ້ນໄຫຊົງ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ຜູ້ອຳນວຍການສະຖານີວິທະຍຸໂທລະພາບສູນກາງຈີນໄດ້ປະກາດໄຂງານມະຫະກຳຮູບເງົາສາກົນຊຽງໄຮຄັ້ງທີ 21 ຢ່າງເປັນທາງການ. ງານຄັ້ງນີ້ຈະດຳເນີນໄປຮອດວັນທີ 25 ມິຖຸນານີ້, ແລະໃນໄລຍະນີ້ຈະຈັດງານສາຍຮູບເງົາດີເດັ່ນຈີນແລະຕ່າງປະເທດ, ກິດຈະກຳມອບລາງວັນ “ຈອກຄຳ”ແລະອື່ນໆ. ນອກນີ້, ຍັງຈະສ້າງຕັ້ງສະມາຄົມງານມະຫະກຳຮູບເງົາ “ໜຶ່ງແລວໜຶ່ງເສັ້ນທາງ”, ສັບປະດາຮູບເງົາ “ໜຶ່ງແລວໜຶ່ງເສັ້ນທາງ”, ງານສາຍຮູບເງົາ “ໜຶ່ງແລວໜຶ່ງເສັ້ນທາງ”, ເວທີປຶກສາຫາລືໂຕະມົນແລະອື່ນໆ.
ທ່ານເຊີ້ນໄຫຊົງ ກ່າວວ່າ: “ງານມະຫະກຳຮູບເງົາຄັ້ງນີ້ຈະຍົກລະດັບກົນໄກຮ່ວມມືງານມະຫະກຳຮູບເງົາ ‘ໜຶ່ງແລວໜຶ່ງເສັ້ນທາງ’, ຊຸກຍູ້ການແລກປ່ຽນວັດທະນະທຳ, ເປີດກວ້າງ ‘ວົງການຄົບຄ້າສະມາຄົມ’, ແລະເຕົ້າໂຮມຄວາມຮັບຮູ້ທີ່ເປັນເອກະສັນກັນກ່ຽວກັບປະຊາຄົມຮ່ວມຊາຕາກຳຂອງມວນມະນຸດ.”
ຄຽງຄູ່ກັບອິດທິພົນແລະກຳລັງເຜີຍແຜ່ຂອງງານມະຫະກຳຮູບເງົາສາກົນຊຽງໄຮນັບມື້ນັບສູງຂຶ້ນ, “ລາງວັນຈອກຄຳ” ກໍມີສະເໜ່ນັບມື້ນັບສູງຂຶ້ນເຊັ່ນກັນ. ສຳລັບໃນງານຄັ້ງນີ້, ມີຮູບເງົາ 3447 ເລື່ອງຈາກ 108 ປະເທດແລະເຂດແຄວ້ນໃນໂລກໄດ້ເຂົ້າຮ່ວມການແຂ່ງຂັນເບື້ອງຕົ້ນ, ແລະຄັດເລືອກໄດ້ຮູບເງົາ 13 ເລື່ອງຈາກຮູບເງົາເຫຼົ່ານີ້. “ລາງວັນຈອກຄຳ” 10 ລາງວັນຈະເປີດເຜີຍໃນວັນທີ 24 ມິຖຸນານີ້.
ບຸນຮູບເງົາຄັ້ງນີ້ຈະສາຍຮູບເງົາເຖິງ 500 ເລື່ອງ. ໃນນັ້ນເຕັກນິກ “ການສ້ອມແປງ 4K” ແມ່ນໜຶ່ງໃນພາກສ່ວນທີ່ໄດ້ຮັບຄວາມສົນໃຈໂດຍຕະຫຼອດໃນງານມະຫະກຳຮູບເງົາສາກົນຊຽງໄຮ. ຂະນະທີ່ເຕັກນິກສ້ອມແປງຕີຈີດອນທີ່ທັນສະໄໝ, ຈະເຮັດໃຫ້ຮູບເງົາອະມະຕະຂອງຈີນແລະຕ່າງປະເທດສາມາດຮັກສາໄວ້ໄດ້ເປັນເວລາດົນນານ, ແລະມີສະເໜ່ໃໝ່.
ຄຳເຫັນ
0