ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 26 ກໍລະກົດນີ້, ໜ່ວຍແພດກອງທັບປົດປ່ອຍປະຊາຊົນຈີນ “ຂະບວນລົດໄຟສັນຕິພາບ” 32 ຄົນໄດ້ໄປຮອດຫ້ອງການຄະນະຊີ້ນຳການກູ້ໄພ ແລະເຂດຈັດສັນປະຊາຊົນຜູ້ປະສົບໄພຈາກເຂດອຸບັດຕິເຫດເຂື່ອນໄຟຟ້າເຊປຽນ-ເຊນ້ຳນ້ອຍຢູ່ເມືອງສະໜາມໄຊແຂວງອັດຕະປືພາກໃຕ້ຂອງລາວ ແລະດຳເນີນການຊ່ວຍເຫຼືອ.
ຕາມການມອບໜາຍຂອງລາວ, ໜ່ວຍແພດກອງທັບປົດປ່ອຍປະຊາຊົນຈີນຈະຕັ້ງຢູ່ໂຮງໝໍເມືອງສະໜາມໄຊ, ຊ່ວຍເຫຼືອພະນັກງານແພດໝໍລາວດຳເນີນວຽກງານການປິ່ນປົວ, ຂະນະດຽວກັນກໍຈະໄດ້ຈັດສົ່ງໜ່ວຍງານປິ່ນປົວ ແລະປ້ອງກັນພະຍາດໄປຊ່ວຍເຫຼືອຢູ່ເຂດຈັດສັນປະຊາຊົນຜູ້ປະສົບໄພ 6 ແຫ່ງ.
ເຈົ້າໜ້າທີ່ລາວໃຫ້ຮູ້ວ່າ: ຢູ່ເຂດຈັດສັນປະຊາຊົນຜູ້ປະສົບໄພ 6 ແຫ່ງລວມມີປະຊາຊົນຫຼາຍກວ່າ 2000 ຄົນ, ສ່ວນຫຼາຍເປັນຫວັດ, ຖອກທ້ອງ, ພະຍາດຕິດແປດ, ບາດເຈັບພາຍນອກ, ພະຍາດຜິວໜັງ ແລະອື່ນໆ.
ທ່ານເຊີນຈ່າງ ທ່ານໝໍໜ່ວຍງານປິ່ນປົວຈີນກ່າວຕໍ່ນັກຂ່າວວ່າ: ໜ່ວຍງານປິ່ນປົວຕົນໄດ້ພິຈາລະນາເຖິງພະຍາດທີ່ມັກເກີດຂຶ້ນຢູ່ເຂດຮ້ອນທີ່ປະສົບໄພນ້ຳຖ້ວມ, ສະນັ້ນຈຶ່ງໄດ້ສົ່ງຜູ້ຊ່ຽວຊານທີ່ກ່ຽວຂ້ອງເຂົ້າມາ, ພວກເຮົາມີຄວາມໝັ້ນໃຈສາມາດເຮັດສຳເລັດວຽກງານປ້ອງກັນພະຍາດ ແລະການປິ່ນປົວໄດ້.
ຄຳເຫັນ
0