ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ສິງຫານີ້ຢູ່ສຳນັກງານທີ່ນະຄອນຫຼວງຈາກາຕາປະເທດອິນໂດເນເຊຍ, ຄະນະກຳມະການປະສານງານການລົງທຶນອິນໂດເນເຊຍຫຼື BKPM ໄດ້ຈັດງານໂຄສະນາລະບົບຍື່ນໃບຄຳຮ້ອງເພື່ອລົງທຶນທາງອິນເຕີເນັດສະເພາະວິສາຫະກິດຈີນ, ຜູ້ຕາງໜ້າຈາກວິສາຫະກິດຈີນຫຼາຍຮ້ອຍແຫ່ງໄດ້ເຂົ້າຮ່ວມ.
ທ່ານຫວາງລີ້ຜິງ ທູດການຄ້າຂອງສະຖານທູດຈີນປະຈຳອິນໂດເນເຊຍໄດ້ເຂົ້າຮ່ວມງານອະທິບາຍດັ່ງກ່າວ, ແລະຍ້ອງຍໍ “ລະບົບຍື່ນຄຳຮ້ອງເພື່ອລົງທຶນຜ່ານເວບໄຊດຽວຫຼື OSS” ທີ່ມີຜົນດີຊ່ວຍໃຫ້ຂັ້ນຕອນການຍື່ນຄຳຮ້ອງເພື່ອລົງທຶນກະທັດຮັດແລະສະດວກກວ່າເກົ່າ, ຫຼຸດເວລາການຍື່ນຄຳຮ້ອງໄດ້ຫຼາຍແລະຍົກສູງສະມັດຕະພາບ.
ລະບົບ OSS ແມ່ນລະບົບທີ່ຮັບຮອງການຍື່ນຄຳຮ້ອງເພື່ອຂໍການລົງທຶນຂອງນັກທຸລະກິດອິນໂດເນເຊຍແລະຕ່າງປະເທດ. ນັກລົງທຶນສາມາດສົ່ງໃບຄຳຮ້ອງເພື່ອຮ້ອງລົງທຶນໃນທຸກເວລາ, ທຸກບ່ອນໂດຍຜ່ານອິນເຕີເນັດ, ຫຼີກເວັ້ນຄວາມຫຍຸ້ງຍາກທີ່ນັກລົງທຶນ “ແລ່ນຈົນຂາຈັງ” ຢູ່ພາກສ່ວນຕ່າງໆ.
ຄຳເຫັນ
0