ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ສິງຫານີ້ຢູ່ນະຄອນຫຼວງປັກກິ່ງ ສປ ຈີນ, ທ່ານຫວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານຊັນຣານີ ປະທານສະພາສູງປາກີສະຖານ.
ທ່ານຫວາງຢີ້ກ່າວວ່າ, ປາກີສະຖານໄດ້ຈັດການເລືອກຕັ້ງທົ່ວໄປຢ່າງສຳເລັດຜົນ, ເຊື່ອວ່າພາຍໃຕ້ການນຳພາຂອງລັດຖະບານຊຸດໃໝ່, ພາລະກິດສ້າງສາປະເທດຂອງປາກີສະຖານຈະໄດ້ຮັບຜົນງານໃໝ່. ຈີນຈະເຮັດຄືດັ່ງທີ່ເຄີຍໄດ້ປະຕິບັດຜ່ານມາ, ສະໜັບສະໜູນສິດອະທິປະໄຕແລະສິດທິຜົນປະໂຫຍດການພັດທະນາຂອງປາກີສະຖານ, ຮ່ວມກັນຊຸກຍູ້ການສ້າງແລວທາງເສດຖະກິດຈີນ-ປາກີສະຖານ, ປັບປຸງເນື້ອໃນການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນແລະປາກີສະຖານໃຫ້ສົມບູນຂຶ້ນຢ່າງບໍ່ຢຸດຢັ້ງ.
ທ່ານຊັນຣານີ ກ່າວວ່າ, ມິດຕະພາບກັບຈີນແມ່ນພື້ນຖານຂອງນະໂຍບາຍການຕ່າງປະເທດແລະຄວາມເປັນເອກະສັນກັນຂອງພັກຝ່າຍຕ່າງໆປາກີສະຖານ, ນະໂຍບາຍດັ່ງກ່າວຈະບໍ່ມີການປ່ຽນແປງ. ລັດຖະບານຊຸດໃໝ່ຍິນດີຮ່ວມກັບຈີນຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ”, ຮ່ວມກັນສ້າງແລວທາງເສດຖະກິດຈີນ-ປາກີສະຖານ.
ຄຳເຫັນ
0