ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ສິງຫານີ້, ອົງການຊັບສິນທາງປັນຍາແຫ່ງຊາດຈຕີນໃຫ້ຮູ້ວ່າ, ກອງປະຊຸມລະດັບສູງກ່ຽວກັບຊັບສິນທາງປັນຍາ “ໜຶ່ງແລວໜຶ່ງເສັ້ນທາງ” ປີ 2018 ຈະຈັດຂຶ້ນຢູ່ນະຄອນຫຼວງປັກກິ່ງ ແຕ່ ວັນທີ 28-29 ສິງຫານີ້. ນັບມາຮອດປະຈຸບັນ, ໄດ້ມີ ອົງການຊັບສິນທາງປັນຍາຂອງ 40 ກວ່າປະເທດ ແລະອົງການຈັດຕັ້ງພາກພື້ນກໍຄືສາກົນໄດ້ສະເໜີຊື່ເຂົ້າຮ່ວມ. ຝ່າຍຕ່າງໆທີ່ເຂົ້າຮ່ວມກອງປະຊຸມຈະແລກປ່ຽນຄວາມຄິດຄວາມເຫັນກ່ຽວກັບສະພາບການໃໝ່ດ້ານການຂະຫຍາຍຕົວຂອງຊັບສິນທາງປັນຍາສາກົນໃນປະຈຸບັນ, ປຶກສາຫາລືບັນຫາດ້ານຊັບສິນທາງປັນຍາທີ່ບັນດາປະເທດລຽບຕາມ “ໜຶ່ງແລວໜຶ່ງເສັ້ນທາງ”ກຳລັງຜະເຊີນ, ຮ່ວມກັນຄົ້ນຄວ້າວິໃສທັດແຫ່ງການຮ່ວມມືໃນອະນາຄົດ.
ກອງປະຊຸມຈະຈັດໃຫ້ມີການປາຖະກະຖາປະມານ 30 ຄັ້ງໂດຍປິ່ນອ້ອມຫົວຂໍ້ຕ່າງໆ, ເຊັ່ນ, “ນຳໃຊ້ຊັບສິນທາງປັນຍາເພື່ອຊຸກຍູ້ໃຫ້ມີການຫັນປ່ຽນຮູບການພັດທະນາ ແລະຍົກລະດັບອຸດສາຫະກຳ, ຊຸກຍູ້ໃຫ້ເສດຖະກິດຂອງປະເທດລຽບຕາມ ໜຶ່ງແລວໜຶ່ງເສັ້ນທາງພັດທະນາ” , “ເພີ່ມທະວີການຮ່ວມມື, ຮ່ວມກັນຮັບມືກັບສິ່ງທ້າທາຍໃໝ່ສຳລັບລະບົບຊັບສິນທາງປັນຍາຂອງທົ່ວໂລກໃຍຸກດີຈີຕອນ-ກົດໝາຍ, ນະໂຍບາຍ ແລະພຶດຕິກຳດີເດັ່ນ” ແລະອື່ນໆອີກ, ນອກນັ້ນຍັງຈະອອກຖະແຫຼງການຮ່ວມກ່ຽວກັບການເພີ່ມທະວີການຮ່ວມມືຕົວຈິງໃນດ້ານສິດຊັບສິນທາງປັນຍາ “ໜຶ່ງແລວໜຶ່ງເສັ້ນທາງ”.
ຄຳເຫັນ
0