ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານອາມີຣາ ເອວຟາດີວ ກຳມະການວຽກງານທາງສັງຄົມຂອງຄະນະກຳມະການສະຫະພາບອາຟຼິກາໄດ້ໃຫ້ສຳພາດຕໍ່ນັກຂ່າວຫວ່າງມໍ່ໆມານີ້ວ່າ, ກອງປະຊຸມສຸດຍອດປັກກິ່ງຂອງເວທີປຶກສາຫາລືການຮ່ວມມືລະຫວ່າງຈີນ-ອາຟຼິກາທີ່ຈະຈັດຂຶ້ນໃນໄວໆນີ້ຈະເຮັດໃຫ້ການພົວພັນຄູ່ຮ່ວມມືຍຸດທະສາດດ້ານລະຫວ່າງຈີນ-ອາຟຼິກາພັດທະນາຂຶ້ນສູ່ລະດັບໃໝ່.
ທ່ານອາມີຣາກ່າວວ່າ, ທ່ານມູຊາ ຟາຄີ ປະທານຄະນະກຳມະການສະຫະພາບ ອາຟຼິກາຈະນຳພາຄະນະຜູ້ຂັ້ນຊັ້ນສູງເດີນທາງເຂົ້າຮ່ວມກອງປະຊຸມສຸດຍອດປັກກິ່ງຂອງເວທີປຶກສາຫາລືການຮ່ວມມືລະຫວ່າງຈີນ-ອາຟຼິກາທີ່ຈະຈັດຂຶ້ນໃນເດືອນກັນຍາປີນີ້. ເມື່ອຮອດເວລານັ້ນ, ສະຫະພາບອາຟຼິກາແລະຈີນຈະເຊັນບົດບັນທຶກຄວາມເຂົ້າໃຈທີ່ກ່ຽວພັນເຖິງຂົງເຂດຕ່າງໆຄືການພັດທະນາສັງຄົມແລະສາທາລະນະສຸກເປັນຕົ້ນ.
ທ່ານອາມີຣາຍັງກ່າວຕື່ມວ່າ, ສະຫະພາບອາຟຼິກາແລະຈີນພວມກຽມຄວາມພ້ອມຕ່າງໆເພື່ອກອງປະຊຸມສຸດຍອດປັກກິ່ງ, ກອງປະຊຸມສຸດຍອດຄັ້ງນີ້ຈະປະສົບຜົນສຳເລັດຢ່າງແນ່ນອນ, ແລະຈະຍົກສູງການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງຝ່າຍຂຶ້ນສູ່ລະດັບໃໝ່.
ທ່ານອາມີຣາເຫັນວ່າ, ກອງປະຊຸມສຸດຍອດຂອງເວທີປຶກສາຫາລືການຮ່ວມມືລະຫວ່າງຈີນ-ອາຟຼິກາໄດ້ກາຍເປັນເວທີແລກປ່ຽນແບບປະຈຳລະຫວ່າງອາຟຼິກາກັບຈີນ, ແລະໄດ້ຮັບຜົນສຳເລັດຢ່າງຫຼວງຫຼາຍ.
ຄຳເຫັນ
0