ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ສິງຫານີ້, ທະນາຄານຄັງສຳຮອງສະຫະລັດນີວຢອກອາເມຣິກາໄດ້ເປີດເຜີຍຜົນການສຳຫຼວດສະບັບໜຶ່ງວ່າ: ລັດຖະບານອາເມຣິກາຂຶ້ນພາສີຕໍ່ສິນຄ້ານຳເຂົ້າ ໄດ້ສ້າງສອງພາລະໃຫ້ວິສາຫະກິດອາເມຣິກາຄືຕົ້ນຕຶ້ນເພີ່ມຂຶ້ນແລະຜົນການຈຳໜ່າຍຢູ່ຕ່າງປະເທດໄດ້ຫຼຸດລົງ, ຈິ່ງໄດ້ສ້າງຜົນສະທ້ອນທາງລົບຕໍ່ຜົນງານທຸລະກິດຂອງວິສາຫະກິດທົ່ວອາເມຣິກາ.
ການສຳຫຼວດຄັ້ງນີ້ຕົ້ນຕໍເນັ້ນເປົ້າໝາຍທີ່ເປັນວິສາຫະກິດການຜະລິດລັດນີວຢອກ, ວິສາຫະກິດການບໍລິການຂອງນະຄອນນີວຢອກແລະເຂດພາກເໜືອລັດນີວເຈີຊີ ແລະຜົນການສຳຫຼວດສະແດງໃຫ້ເຫັນວ່າ: ວິສາຫະກິດການຜະລິດ 68%ແລະວິສາຫະກິດການບໍລິການ 44% ທີ່ໃຫ້ສຳພາດເຫັນວ່າ ລັດຖະບານອາເມຣິກາຂຶ້ນພາສີຕໍ່ສິນຄ້ານຳເຂົ້າໃນໄລຍະຜ່ານມາ ໄດ້ສົ່ງຜົນເຮັດໃຫ້ວິສາຫະກິດຕ້ອງໃຊ້ຕົ້ນທຶນເພີ່ມຂຶ້ນ.
ໃນດ້ານຜົນສະທ້ອນໃນຕໍ່ໜ້າຂອງນະໂຍບາຍພາສີຂອງລັດຖະບານອາເມຣິກາ, ວິສາຫະກິດການຜະລິດທີ່ໃຫ້ສຳພາດມີປະມານ 3/4 ເຫັນວ່າ ຕົ້ນທຶນຂອງວິສາຫະກິດຈະເພີ່ມຂຶ້ນໃນ ປີ 2018ແລະປີ2019, ແລະວິສາຫະກິດປະມານ 50% ເຫັນວ່າ ລາຄາສິນຄ້າຈຳໜ່າຍກໍຈະສູງຂຶ້ນໃນປີ 2018ແລະປີ2019ເຊັ່ນດຽວກັນ, ຂະນະທີ່ວິສາຫະກິດການບໍລິການ 1/3 ຄາດວ່າ ລາຄາສິນຄ້າຈຳໜ່າຍຈະສູງຂຶ້ນໃນໄລຍະສອງປີດັ່ງກ່າວ.
ໃນດ້ານຍອດມູນຄ່າການຈຳໜ່າຍ, ວິສາຫະກິດທີ່ໃຫ້ສຳພາດລ້ວນແຕ່ເຫັນວ່າ ການຂຶ້ນພາສີຕໍ່ສິນຄ້ານຳເຂົ້າຈະເກີດມີຜົນສະທ້ອນທາງລົບຕໍ່ການຈຳໜ່າຍສິນຄ້າຢູ່ຕ່າງປະເທດຂອງວິສາຫະກິດຕົນ.
ຄຳເຫັນ
0