ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 17 ສິງຫານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ສົ່ງໂທລະເລກຊົມເຊີຍເຖິງທ່ານອິມຣານ ຄານ ທີ່ໄດ້ຮັບເລືອກຕັ້ງເປັນນາຍົກລັດຖະມົນຕີສາທາລະນະລັດອິສລາມປາກີສະຖານ.
ໂທລະເລກຂອງທ່ານຫຼີເຄີ້ສຽງໄດ້ຢືນຢັນວ່າ: ຈີນ-ປາກີສະຖານເປັນຄູ່ຮ່ວມມືຍຸດທະສາດທຸກສະພາບການ, ການພົວພັນລະຫວ່າງສອງປະເທດໄດ້ຜ່ານຜ່າການທົດສອບຈາກການເວລາແລະການຜັນແປຂອງສະຖານະການສາກົນ ແລະຂະຫຍາຍຕົວກ້າວໄປໜ້າຢ່າງປອດໃສແລະໝັ້ນທ່ຽງຢ່າງສະເໝີຕົ້ນສະເໝີປາຍ. ໃນຊຸມປີມໍ່ໆມານີ້, ຄວາມໄວ້ເນື້ອເຊື່ອໃຈກັນທາງການເມືອງລະຫວ່າງຈີນ-ປາກີສະຖານເລິກເຊິ່ງຍິ່ງຂຶ້ນ, ການຮ່ວມມືໃນຂອບ “ໜຶ່ງແລວໜຶ່ງເສັ້ນທາງ”ໄດ້ຮັບປະສິດທິຜົນ, ການກໍ່ສ້າງແລວທາງເສດຖະກິດຈີນ-ປາກີສະຖານໄດ້ຮັບຜົນສຳເລັດຢ່າງຫຼວງຫຼາຍ ເຊິ່ງໄດ້ສ້າງຜົນປະໂຫຍດຕົວຈິງໃຫ້ແກ່ສອງປະເທດກໍຄືປະຊາຊົນສອງຊາດ. ຂ້າພະເຈົ້າຍ້ອງຍໍຊົມເຊີຍຕໍ່ທ່ານທີ່ສະແດງທ່າທີຢ່າງຕັ້ງໜ້າວ່າຈະເດັດດ່ຽວເສີມຂະຫຍາຍສາຍພົວພັນຈີນ-ປາກີສະຖານແລະຂ້າພະເຈົ້າຍິນດີສ້າງສາຍພົວພັນທີ່ດີທາງການເຮັດວຽກແລະມິດຕະພາບສ່ວນຕົວກັບທ່ານເພື່ອຮ່ວມກັນສືບທອດມິດຕະພາບທີ່ເປັນມູນເຊື້ອລະຫວ່າງຈີນ-ປາກີສະຖານ, ລົງເລິກການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆລະຫວ່າງສອງປະເທດ, ພະຍາຍາມຢ່າງບໍ່ລົດລະເພື່ອສ້າງຄູ່ຮ່ວມຊາຕາກຳຈີນ-ປາກີສະຖານ.
ຄຳເຫັນ
0