ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການແຂ່ງຂັນມິດຕະພາບບານເຕະເຍົາວະຊົນຈີນ-ອາຊຽນຊິງຂັນ ຊົ້ງຊິ້ງຫຼິງ 2018 ໄດ້ສິ້ນສຸດລົງໃນວັນທີ 16 ສິງຫານີ້ຢູ່ສູນຝຶກບານເຕະແຫ່ງຊາດຊຽງເຫີເມືອງຫຼາງຟາງແຂວງເຫີເປີຍຈີນໂດຍຜົນການແຂ່ງຂັນຄື ທີມລາວໄດ້ຄອງແຊມ, ທີມໄທເປັນທີສອງແລະທີມຈີນເປັນທີສາມ.
ການແຂ່ງຂັນຄັ້ງນີ້ເລີ່ມຂຶ້ນແຕ່ວັນທີ 11 ສິງຫານີ້, ໂດຍມີ 8 ທີມບານເຕະຈາກລາວ, ກຳປູເຈຍ, ອິນໂດເນເຊຍ, ໄທ,ຫວຽດນາມ,ຟີລິບປິນ,ມຽນມາແລະຈີນເຂົ້າຮ່ວມ. ທ່ານຫາງຢວນສຽງ ຮອງປະທານຜູ້ປະຈຳການມູນນິທິຊົ້ງຊິ້ງຫຼິງຈີນ,ທ່ານຫຼີ້ຢີ້ວ໌ຢີ້ ຮອງປະທານສະມາຄົມບານເຕະຈີນ, ທ່ານເສິນເຕີໄຫ ເລຂາທິການໃຫຍ່ສູນຈີນ-ອາຊຽນ,ທ່ານຕິດລິນອົງ ເອກອັກຄະລັດຖະທູດມຽນມາປະຈຳຈີນ ພ້ອມດ້ວຍທູຕານຸທູດປະເທດຕ່າງໆປະຈຳຈີນເຊັ່ນ ລາວ, ກຳປູເຈຍ,ສິງກະໂປ,ໄທ,ຫວຽດນາມແລະອື່ນໆໄດ້ເຂົ້າຮ່ວມພິທີປິດງານໃນວັນທີ 16 ສິງຫານີ້.
ເພື່ອລະນຶກຈີນ-ອາຊຽນສ້າງຕັ້ງສາຍພົວພັນຄູ່ຮ່ວມຍຸດທະສາດຄົບຮອບ 15 ປີ, ມູນນິທິຊົ້ງຊິ້ງຫຼິງຈີນ,ສະມາຄົມບານເຕະຈີນແລະສູນຈີນ-ອາຊຽນໄດ້ຮ່ວມກັນເປັນເຈົ້າພາບຈັດການແຂ່ງຂັນມິດຕະພາບຄັ້ງນີ້ໂດຍມີຈຸດປະສົງເພື່ອຖືຊາວໜຸ່ມເຍົາວະຊົນເປັນຜູ້ເຂົ້າຮ່ວມຕົ້ນຕໍ, ຖືກິລາແລະວັດທະນະທຳເປັນຂົວຕໍ່ເພື່ອປະກອບສ່ວນເຂົ້າໃນການແລກປ່ຽນດ້ານວັດທະນະທຳແລະມິດຕະພາບລະຫວ່າງປະຊາຊົນຈີນ-ອາຊຽນ,ຊຸກຍູ້ໃຫ້ປະຊາຊົນຈີນກັບບັນດາປະເທດລຽບຕາມ “ໜຶ່ງແລວໜຶ່ງເສັ້ນທາງ”ເຊື່ອມສານຈິດໃຈເຊິ່ງກັນແລະກັນ.
ຄຳເຫັນ
0