ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 17 ຕຸລານີ້ ທ່ານສີຈິ້ນຜິງ ປະທານປະເທດ ສປ ຈີນ ໄດ້ພົບປະກັບທ່ານອັນໂຕນ ວາອີໂນ ຫົວໜ້າຫ້ອງວ່າການປະທານາທິບໍດີຣັດເຊຍຢູ່ທີ່ນະຄອນຫຼວງປັກກິ່ງ ໂດຍກ່າວວ່າ, ພາຍໃຕ້ສະຖານະການໂລກໃນປັດຈຸບັນ, ສອງຝ່າຍຈີນ-ຣັດເຊຍຍິ່ງຄວນຖະນຸຖະໜອມການພົວພັນຄູ່ຮ່ວມທີ່ດີແລະໝັ້ນຄົງລະຫວ່າງສອງປະເທດ, ລົງເລິກການຮ່ວມມືໃນທຸກຂົງເຂດຢ່າງໜຽວແໜ້ນບໍ່ປ່ຽນແປງ.
ທ່ານສີຈິ້ນຜິງກ່າວວ່າ, ການພົວພັນຈີນ-ຣັດເຊຍພວມຢູ່ໃນໄລຍະດີທີ່ສຸດໃນປະຫວັດສາດ. ສອງຝ່າຍຄວນເລັ່ງລັດການຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນຂອງປະມຸກລັດສອງປະເທດ, ຊຸກຍູ້ການຮ່ວມມືລະຫວ່າງສອງປະເທດໃນຂົງເຂດພະລັງງານແລະການປະດິດສ້າງໃໝ່ໃຫ້ເຂົ້າສູ່ລວງເລິກ, ເລັ່ງລັດການຮ່ວມມືທີ່ເຊື່ອມຈອດກັນລະຫວ່າງການສ້າງ ໜຶ່ງແລວໜຶ່ງເສັ້ນທາງກັບສະຫະພັນເສດຖະກິດອາຊີເອີຣົບ. ຄວນມີການປະສານງານຢ່າງແໜ້ນແຟ້ນກວ່າເກົ່າໃນວຽກງານສາກົນ. ສອງຝ່າຍຄວນອອກແບບແລະວາງແຜນການກ່ຽວກັບການໄປມາຫາສູ່ກັນລະຫວ່າງການນຳຂັ້ນສູງຂອງສອງປະເທດໃຫ້ດີ ເພື່ອຊຸກຍູ້ໃຫ້ການພົວພັນລະຫວ່າງຈີນ-ຣັດເຊຍກ້າວຂຶ້ນສູ່ລະດັບໃໝ່ໃນຍຸກໃຫມ່.
ທ່ານວານີອີໂນກ່າວວ່າ, ການຮ່ວມມືກັບຈີນດ້ານຍຸດທະສາດ ແມ່ນທິດບູລິມະສິດຂອງຣັດເຊຍໃນການພົວພັນກັບຕ່າງປເທດ. ຣັດເຊຍຍິນດີເພີ່ມທະວີການຮ່ວມມືລະຫວ່າງຫ້ອງວ່າການປະທານາທິບໍດີຣັດເຊຍກັບຫ້ອງວ່າການສູນກາງພັກກອມມູນິດຈີນ, ຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນຂອງປະມຸກລັດສອງປະເທດໃຫ້ດີ, ປະກອບສ່ວນອັນໃໝ່ເຂົ້າໃນການຂະຫຍາຍການພົວພັນຄູ່ປະສານງານຍຸດທະສາດຮອບດ້ານລະຫວ່າງຣັດເຊຍ-ຈີນ.
ຄຳເຫັນ
0