ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ຕຸລານີ້, ກອງປະຊຸມບໍ່ເປັນທາງການຂອງລັດຖະມົນຕີປ້ອງກັນປະເທດຈີນ-ອາຊຽນຄັ້ງທີ 9 ໄດ້ຈັດຂຶ້ນຢູ່ສິງກະໂປ ໂດຍມີທ່ານເວີ້ຍເຟີ້ງເຫີ ທີ່ປຶກສາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນ ແລະ ທ່ານ ດຣ.ອິນເອງເຮັນ ລັດຖະມົນຕີກະຊວງປ້ອງກັນປະເທດສິງກະໂປທີ່ເປັນປະເທດປະທານໝູນ
ວຽນອາຊຽນຮ່ວມກັນເປັນປະທານກອງປະຊຸມ.
ທ່ານເວີ້ຍເຟີ້ງເຫີກ່າວວ່າ, ຈີນຖືອາຊຽນເປັນທິດທາງບູລິມະສິດການຕ່າງປະເທດອ້ອມຂ້າງ, ສະໜັບສະໜູນການສ້າງປະຊາຄົມອາຊຽນແລະການສ້າງໂຄງປະກອບຄວາມໝັ້ນຄົງອາຊີປາຊີຝິກທີ່ຖືອາຊຽນເປັນໃຈກາງ, ເປີດປະຕູແລະໂອບ ອ້ອມອາລີ ເພື່ອສ້າງປະຊາຄົມຮ່ວມຊາຕາກຳຈີນ-ອາຊຽນທີ່ແໜ້ນແຟ້ນກວ່າເກົ່າ. ໂດຍຜະເຊີນກັບສິ່ງທ້າທາຍດ້ານຄວາມໝັ້ນຄົງປະເພດຕ່າງໆໃນປັດຈຸບັນ, ຈີນຫວັງວ່າຈະສືບຕໍ່ເພີ່ມທະວີການແລກປ່ຽນກັບພາກສ່ວນປ້ອງກັນປະເທດຂອງບັນດາປະເທດອາຊຽນ, ຊຸກຍູ້ການຕັ້ງສາຍຕິດຕໍ່ທາງໂທລະສັບໂດຍກົງກ່ຽວກັບວຽກງານປ້ອງກັນປະເທດ, ຈັດການຝຶກຊ້ອມຮ່ວມ, ກູ່ໄພຮ່ວມ ແລະການແລກປ່ຽນລະຫວ່າງນາຍທະຫານຊາວໜຸ່ມແລະໄວກາງຄົນ, ຮ່ວມກັນພະຍາຍາມປະກອບສ່ວນໃໝ່ເຂົ້າໃນການປົກປັກຮັກສາສັນຕິພາບແລະສະຖຽນລະພາບຂອງພາກພື້ນ.
ເຈົ້າໜ້າທີ່ພາກສ່ວນປ້ອງກັນປະເທດຂອງອາຊຽນໄດ້ຕີລາຄາຢ່າງຕັ້ງໜ້າຕໍ່ການຂະຫຍາຍການພົວພັນລະຫວ່າງຈີນກັບອາຊຽນ, ຊົມເຊີຍຈີນທີ່ໄດ້ພະຍາຍາມຢ່າງຕັ້ງໜ້າເພື່ອເລື່ອງນີ້, ສະໜັບສະໜູນຂໍ້ສະເໜີຂອງຈີນກ່ຽວກັບການຂະຫຍາຍການພົວພັນດ້ານວຽກງານປ້ອງກັນປະເທດຈີນ-ອາຊຽນ, ຫວັງວ່າຈະສືບຕໍ່ເພີ່ມທະວີການແລກປ່ຽນກັບຈີນ, ຊຸກຍູ້ການຮ່ວມມືທີ່ຕິດແທດຕົວຈິງໃນຂົງເຂດການປ້ອງກັນຄວາມໝັ້ນຄົງ, ເພີ່ມຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈກັນ, ຮ່ວມກັນປົກປັກຮັກສາການພັດທະນາແລະຄວາມຈະເລີນຮຸ່ງເຮືອງຂອງພາກພື້ນ.
ຄຳເຫັນ
0