ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ຕຸລານີ້, ກອງປະຊຸມສຸດຍອດອາຊີ-ເອີຣົບຄັ້ງທີ 12 ໄດ້ອັດລົງຢູ່ນະຄອນຫຼວງບຣູແຊນຂອງແບນຊິກ ໂດຍໄດ້ເຜີຍແຜ່ຖະແຫຼງການປະທານຂອງກອງປະຊຸມ. ຜູ້ນຳທີ່ຮ່ວມປະຊຸມໄດ້ກ່າວເນັ້ນເຖິງຄວາມສຳຄັນຂອງການປົກປັກຮັກສາລັດທິຫຼາຍຝ່າຍ ແລະກ່າວຢ້ຳວ່າ ຕ້ອງສະໜັບສະໜູນຂອບການຄ້າຫຼາຍຝ່າຍບົນພື້ນຖານກະຕິກາ, ຄັດຄ້ານລັດທິປົກປ້ອງດ້ວຍທຸກຮູບແບບ.
ຖະແຫຼງກ່ານລະບຸບວ່າ, ສະຖານະການສາກົນໃນປັດຈຸບັນສັບສົນແລະປ່ຽນແປງ ເລື້ອຍໆ, ຜູ້ນຳທີ່ຮ່ວມປະຊຸມໄດ້ປຶກສາຫາລືໂອກາດສຳຄັນແລະສິ່ງທ້າທາຍຂອງອາຊີແລະເອີຣົບ ແລະເນັ້ນໜັກວ່າ ກອງປະຊຸມສຸດຍອດອາຊີ-ເອີຣົບແມ່ນເວທີສຳຄັນສຳລັບອາຊີແລະເອີຣົບເພື່ອເພີ່ມທະວີການສົນທະນາ, ປົກປັກຮັກສາລັດທິຫຼາຍຝ່າຍຮ່ວມກັນ ແລະຮ່ວມກັນຮັບມືກັບສິ່ງທ້າທາຍທົ່ວໂລກ ໄດ້ກ່າວຢ້ຳເຖິງຫຼັກການພື້ນຖານຂອງກອງປະຊຸມ ເຊັ່ນ ເຄົາລົບເຊິ່ງກັນແລະກັນ, ສະເໝີພາບກັນ, ຕ່າງຝ່າຍຕ່າງມີຜົນປະໂຫຍດ ແລະອື່ນໆ.
ຜູ້ນຳທີ່ຮ່ວມປະຊຸມໄດ້ກ່າວເນັ້ນວ່າ, ການປ່ຽນແປງຂອງສະຖານະການສາກົນໃນຫວ່າງມໍ່ໆນີ້ ໄດ້ສະແດງໃຫ້ເຫັນເຖິງຄວາມໝາຍຕົວຈິງຂອງກອງປະຊຸມສຸດຍອດອາຊີ-ເອີຣົບໃນການປົກປັກຮັກສາລັດທິຫຼາຍຝ່າຍແລະກົດລະບຽບສາກົນບົນພື້ນຖານກະຕິກາ, ຕ້ອງຮ່ວມກັນພະຍາຍາມປົກປັກຮັກສາສັນຕິພາບ, ສະຖຽນລະພາບ, ການພັດທະນາແບບຍືນຍົງແລະຄວາມຈະເລີນຮຸ່ງເຮືອງ, ໄດ້ເນັ້ນໜັກ ຄວາມສຳຄັນຂອງການເປີດປະຕູຕໍ່ພາຍນອກຂອງເສດຖະກິດໂລກແລະການສະໜັບສະໜູນຂອບການຄ້າຫຼາຍຝ່າຍບົນພື້ນຖານກະຕິກາ ເຊິ່ງລວມທັງການພະຍາຍາມປະຕິບັດຕາມກົດລະບຽບຂອງອົງການການຄ້າໂລກ, ຮ່ວມກັນຍົກສູງປະສິດທິພາບຂອງກົນໄກແກ້ໄຂຄວາມຂັດແຍ້ງຂອງອົງການການຄ້າໂລກ ແລະພະຍາຍາມຊຸກຍູ້ການປະຕິຮູບຂອງອົງການການຄ້າໂລກ.
ຄຳເຫັນ
0