ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ຕຸລານີ້, ອາສາສະໝັກ 5000 ກວ່າຄົນໃນງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໄດ້ສາບານຕົວຂຶ້ນຮັບຕຳແໜ່ງງານຢູ່ຫໍວາງສະແດງແຫ່ງຊາດຊ່ຽງໄຮ້.
ໃນພິທີສາບານຕົວ, ທ່ານຫວາງຢວີ ເລຂາຄະນະຊາວໜຸ່ມກອມມູນິດຈີນນະຄອນຊ່ຽວໄຮ້ກ່າວວ່າ, ອາສາສະໝັກໃນງານວາງສະແດງສິນຄ້ານຳເຂົ້າຄັ້ງນີ້ມີຫຼາຍກວ່າ 5400 ຄົນ, ໃນນັ້ນມີ 5200 ກວ່າຄົນແມ່ນນັກສຶກສາ ເຊິ່ງຈະເຂົ້າຮ່ວມການບໍລິການແລະການຮັບປະກັນທຸກປະການພາຍໃນຫຼືນອກຫໍວາງສະແດງ, ນອກນີ້ຍັງມີອາສາສະໝັກຕ່າງປະເທດອີກຈຳນວນໜຶ່ງ.
ເພື່ອຈັດງານວາງສະແດງຄັ້ງນີ້ໃຫ້ດີ, ຢູ່ເຂດອ້ອມຂ້າງຂອງຫໍວາງສະແດງແຫ່ງຊາດຊ່ຽງໄຮ້, ຊຸມທາງ, ເຂດຮ້ານ, ໂຮງແຮມ, ແຫຼ່ງທ່ອງທ່ຽງແລະອື່ນໆຂອງນະຄອນຊ່ຽງໄຮ້ ໄດ້ຕັ້ງສະຖານີບໍລິການອາສາສະໝັກ 315 ແຫ່ງ, ພ້ອມກັນນັ້ນ ຈະມີທີມອາສາສະໝັກເກືອບ 250 ທີມໃຫ້ການບໍລິການໃນທົ່ວນະຄອນຊ່ຽງໄຮ້.
ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດຈະຈັດຂຶ້ນໃນວັນທີ 5 ຫາວັນທີ 10 ພະຈິກໜ້ານີ້ຢູ່ຫໍວາງສະແດງແຫ່ງຊາດຊ່ຽງໄຮ້ ເຊິ່ງເປັນການກະທຳທີ່ເປັນເຈົ້າການຂອງຈີນທີ່ເປີດກວ້າງການນຳເຂົ້າ, ແມ່ນມາດຕະການສຳຄັນຂອງຈີນເພື່ອຍຶດໝັ້ນສະໜັບສະໜູນການຄ້າເສລີແລະເປີດຕະຫຼາດຕໍ່ທົ່ວໂລກຢ່າງເປັນເຈົ້າການ.
ຄຳເຫັນ
0