ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ຕຸລານີ້, ທ່ານຊັບກັດ ມິຊີໂຢເຢັບ, ປະທານາທິບໍດີອຸສເບກີສະຖານ ແລະ ທ່ານວະລາຕີເມຍ ປູຕິນ ປະທານາທິບໍດີຣັດເຊຍທີ່ໄປຢ້ຽມຢາມໄດ້ຮ່ວມກັນເຂົ້າຮ່ວມພິທີລົງມືກໍ່ສ້າງໂຮງໄຟຟ້ານິວເຄຼຍແຫ່ງທຳອິດຂອງພາກພື້ນອາຊີກາງຢູ່ນະຄອນຫຼວງຕັສເກັນຂອງອຸສເບກີສະຖານ.
ສື່ມວນຊົນອຸສເບກີສະຖານລາຍງານວ່າ, ໂຮງໄຟຟ້ານິວເຄຼຍດັ່ງກ່າວແມ່ນອອກແບບໂດຍຣັດເຊຍ, ຈະໃຊ້ຕົ້ນທຶນປະມານ 11 ຕື້ໂດລາ, ຈັກຜະລິດໄຟຟ້າໜ່ວຍທຳອິດຈະເລີ່ມຜະລິດໄຟຟ້າໃນທ້າຍປີ 2028, ພາຍຫຼັງສ້າງສຳເລັດແລ້ວ, ຈະປະຢັດອາຍແກັດທຳມະຊາດ 37 ຕື້ແມັດກ້ອນຕໍ່ປີ.
ທ່ານມິຊີໂຢເຢັບກ່າວວ່າ, ຄຽງຄູ່ກັບໂຮງໄຟຟ້ານິວເຄຼຍເລີ່ມລົງມືກໍ່ສ້າງ, ອຸສເບກີສະຖານ ແລະຣັດເຊຍໄດ້ເປີດຂົງເຂດຮ່ວມມືຍຸດທະສາດໃໝ່.
ຕາມສະຖິຕິຂອງເຈົ້າໜ້າທີ່ອຸສເບກີສະຖານ, ປະຈຸບັນປະລິມານໄຟຟ້າ 85%ຂອງປະເທດດັ່ງກ່າວແມ່ນຜະລິດດ້ວຍຖ່ານຫີນ ແລະອາຍແກັດທຳມະຊາດ, ຄຽງຄູ່ກັບການພັດທະນາເສດຖະກິດ ແລະຊີວິດການເປັນຢູ່ຂອງປະຊາຊົນນັບມື້ດີຂຶ້ນ, ຄວາມຕ້ອງການຕໍ່ພະລັງໄຟຟ້າໄດ້ເພີ່ມຂຶ້ນຄູ່ປີ, ຄາດວ່າຮອດປີ 2030 ຄວາມຕ້ອງການຕໍ່ພະລັງໄຟຟ້າຂອງປະເທດຕົນຈະເພີ່ມຂຶ້ນຄົບເທົ່າ.
ຄຳເຫັນ
0