ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ຕຸລານີ້, ກະຊວງການຕ່າງປະເທດຣັດເຊຍໄດ້ຖະແຫຼງກ່ຽວກັບເລື່ອງປະທານາທິບໍດີໂດໂນ ທຣຳຂອງອາເມລິກາກ່າວວ່າອາເມລິກາຈະຖອນອອກຈາກ “ສົນທິສັນຍາວ່າດ້ວຍການກຳຈັດຂີປະນາວຸດໄລຍະກາງ ແລະມໍ່ໄລຍະກາງລະຫວ່າງອາເມລິກາ-ສະຫະພາບໂຊວຽດ” ໂດຍກ່າວວ່າ, ການກະທຳດັ່ງກ່າວຂອງອາເມລິກາກໍເພື່ອສະແຫວງຫາໂລກຂົ້ວດຽວ.
ໃນເວັບໄຊກະຊວງການຕ່າງປະເທດຣັດເຊຍໄດ້ລົງພິມບົດວິຈານໂດຍລະບຸວ່າ, ອາເມລິກາຢາກຖອນອອກຈາກສົນທິສັນຍາດັ່ງກ່າວມາແຕ່ດົນແລ້ວ, ແລະຣັດເຊຍກໍໄດ້ເປີດເຜີຍເຈຕະນານີ້ຂອງອາເມລິກາມາຫຼາຍເທື່ອ. ອາເມລິກາເຈຕະນາສະແຫວງຫາໂລກຂົ້ວດຽວ, ແຕ່ມັນບໍ່ອາດເປັນໄປໄດ້ໃນໂລກປະຈຸບັນນີ້.
ບົດວິຈານຊີ້ອອກວ່າ, ອາເມລິກາຖອນອອກຈາກສົນທິສັນຍາດັ່ງກ່າວມີຈຸດປະສົງຄ້າຍຄືກັນກັບການຖອນອອກຈາກສົນທິສັນຍາສາກົນອື່ນໆ, ເພາະສົນທິສັນຍາສາກົນເຫຼົ່ານີ້ໄດ້ກຳນົດວ່າອາເມລິກາມີຖານະສະເໝີພາບກັບປະເທດອື່ນ, ແຕ່ບໍ່ໄດ້ມອບສິດພິເສດໃຫ້ແກ່ອາເມລິກາ.
ທ່ານແຟຼນສ ຄຼິນເຊວິກ ຮອງປະທານຜູ້ທີ 1 ຄະນະກຳມາທິການປ້ອງກັນປະເທດ ແລະຄວາມໝັ້ນຄົງຂອງສະພາສູງຣັດເຊຍກ່າວວ່າ, ອາເມລິກາຖອນອອກຈາກສົນທິສັນຍາດັ່ງກ່າວເປັນສິ່ງທ້າທາຍອັນໜັກໜ່ວງຕໍ່ຣັດເຊຍ ກໍຄືທົ່ວໂລກໂດຍຈະພາໃຫ້ເກີດການຊ່ວງແສງປະກອບອາວຸດຮອບໃໝ່ໃນທົ່ວໂລກ.
ຄຳເຫັນ
0