ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂທລະພາບRTຣັດເຊຍລາຍງານວ່າ: ໃນເວລາເຂົ້າຮ່ວມກອງປະຊຸມເປີດກວ້າງຂອງລັດຖະມົນຕີປ້ອງກັນປະເທດອາຊຽນຄັ້ງທີ 5 ທີ່ຈັດຂຶ້ນຢູ່ສິງກະໂປໃນວັນທີ 20 ຕຸລານີ້, ທ່ານເຊີແກ ໂຊອີກູ ລັດຖະມົນຕີກະຊວງປ້ອງກັນປະເທດຣັດເຊຍເປີດເຜີຍວ່າ: ໂດຍການສະໜັບສະໜູນຈາກກອງທັບຣັດເຊຍມາເປັນເວລາ 3 ປີ, ເຄືອຂ່າຍກຸ່ມຫົວຮຸນແຮງ IS ຢູ່ຊີຣີຖືກດັບສູນຢ່າງສິ້ນເຊີງແລ້ວ.
ມື້ດຽວກັນ, ໂທລະພາບ RTຣັດເຊຍໄດ້ອ້າງຕາມຄຳເວົ້າຂອງທ່ານໂຊອີກູມາລາຍງານວ່າ: ຈາກການສະໜັບສະໜູນຂອງກອງທັບຣັດເຊຍ, ກຸ່ມປະກອບອາວຸດລວມທັງໝົດຫຼາຍກວ່າ 87.500 ຄົນຢູ່ຊີຣີຖືກດັບສູນແລ້ວ, ດິນແດນຊີຣີຫຼາຍກວ່າ 95% ແລະເຂດຊຸມຊົນ 1411 ແຫ່ງເຊິ່ງລວມທັງຕົວເມືອງສຳຄັນຕ່າງໆໄດ້ຮັບການປົດປ່ອຍ, ສິ່ງກໍ່ສ້າງຂອງກຸ່ມກໍ່ການຮ້າຍປະມານ 122.000 ແຫ່ງຖືກທຳລາຍໝົດ.
ທ່ານໂຊອີກູກ່າວເນັ້ນວ່າ: ປັດຈຸບັນຢູ່ຊີຣີມີປະຊາຊົນຫຼາຍກວ່າ 90% ໄດ້ດຳລົງຊີວິດຢູ່ເຂດຄວບຄຸມຂອງກອງທັບລັດຖະບານຊີຣີ, ການສື່ສານໂທລະຄົມສຳຄັນພາຍໃນປະເທດກໍໄດ້ຟື້ນຟູການບໍລິການແລ້ວ.
ຄຳເຫັນ
0