ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດຄູ່ຮ່ວມເປົ້າໝາຍສີຂຽວໂລກ2030ຫຼືP4Gຄັ້ງທຳອິດໄດ້ຈັດຂຶ້ນຢູ່ນະຄອນຫຼວງໂກເປັນຮາກປະເທດດານມາກແຕ່ວັນທີ 19- 20 ຕຸລານີ້.
ເພື່ອລົງເລິກຊຸກຍູ້ເສດຖະກິດໂລກເຕີບໂຕແບບສີຂຽວແລະຫັນປ່ຽນຮູບແບບການພັດທະນາ, ເລັ່ງບັນລຸເປົ້າໝາຍການພັດທະນາແບບຍືນຍົງເມື່ອຮອດປີ 2030 ຂອງອົງການສະຫະປະຊາຊາດ, ປີ 2017 ຜ່ານມາ, ທ່ານລາສ ລອກເຄີ ຣາສມູເຊັນ ນາຍົກລັດຖະມົນຕີດານມາກໄດ້ສະເໜີຂໍລິເລີ່ມສາກົນ “ຮ່ວມມືກັນສ້າງຄູ່ຮ່ວມເປົ້າໝາຍການເຕີບໂຕສີຂຽວຂອງໂລກ”ເຊິ່ງມີຈຸດປະສົງເພື່ອສ້າງສາຍພົວພັນຄູ່ຮ່ວມຍຸດທະສາດລະຫວ່າງພາກລັດແລະພາກເອກະຊົນແບບບຸກທະລຸ, ເລັ່ງຊຸກຍູ້ການເຕີບໂຕແບບສີຂຽວ, ບັນລຸການພັດທະນາແບບຍືນຍົງ;ເປົ້າໝາຍການເຄື່ອນໄຫວຕົ້ນຕໍແມ່ນປະເທດພວມພັດທະນາແລະກຸ່ມເສດຖະກິດທີ່ພັດທະນາໃໝ່; ຂົງເຂດວຽກງານຈຸດສຸມປະກອບມີພະລັງງານ, ນ້ຳ,ການນຳໃຊ້ທີ່ດິນກັບກະສິກຳ, ຕົວເມືອງ,ເສດຖະກິດໝູນວຽນ.
ທ່ານຫວາງຈື້ກ່າງ ລັດຖະມົນຕີກະຊວງວິທະຍາສາດເຕັກໂນໂລຊີຈີນໄດ້ປະກອບຄຳຄິດເຫັນໃນກອງປະຊຸມດັ່ງກ່າວໂດຍໄດ້ຍົກໃຫ້ເຫັນເນື້ອໃນຈິດໃຈອັນເລິກເຊິ່ງຂອງແນວຄິດພັດທະນາໃໝ່ໂດຍສະເພາະແມ່ນແນວຄິດພັດທະນາແບບສີຂຽວ ທັງໄດ້ສະແດງເຈດຈຳນົງຂອງຈີນທີ່ຍຶດໝັ້ນວິໄສທັດໂລກ ແລະທ່າທີອັນຕັ້ງໜ້າແລະເປີດປະຕູໃນການເພີ່ມທະວີການຮ່ວມມືກັບປະຊາຄົມໂລກໃນຂົງເຂດພັດທະນາແບບຍືນຍົງ ເຊິ່ງໄດ້ເຮັດໃຫ້ບັນດາປະເທດມີຄວາມສົນໃຈແລະຍ້ອງຍໍຊົມເຊີຍຢ່າງສູງ.
ບົນດາຫົວໜ້າລັດຖະບານ , ຫົວໜ້າອົງການຈັດຕັ້ງສາກົນ, ຊ່ຽວຊານວິຊາການ, ຜູ້ຕາງໜ້າອົງການຈັດຕັ້ງປະຊາຊົນພ້ອມດ້ວຍຜູ້ຕາງໜ້າຈາກວົງການກ່ຽວຂ້ອງໄດ້ຮ່ວມກັນປຶກສາຫາລືການທີ່ເຮັດແນວໃດສ້າງຕັ້ງສາຍພົວພັນຄູ່ຮ່ວມແບບໃໝ່ເພື່ອຊຸກຍູ້ການບັນລຸເປົ້າໝາຍການພັດທະນາແບບຍືນຍົງຂອງອົງການສະຫະປະຊາຊາດແລະໜ້າທີ່ວຽກງານຕາມທີ່ກຳນົດໄວ້ໃນສັນຍາປາຣີວ່າດ້ວຍດິນຟ້າອາກາດ.
ຄຳເຫັນ
0