ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງສາທາລະນະສຸກສາທາລະນະລັດປະຊາທິປະໄຕກົງໂກຖະແຫຼງໃນຕອນຄ່ຳວັນທີ 20 ຕຸລານີ້ວ່າ, ໃນການລະບາດອີກຮອບໃໝ່ຂອງເຊືຶ້ອພະຍາດອີໂບລາຢູ່ປະເທດຕົນ, ຜູ້ຖືກບົ່ງມະຕິຕິດເຊື້ອພະຍາດອີໂບລາໄດ້ເພີ່ມຂຶ້ນເປັນ 200 ຄົນ, ໃນນັ້ນ 117 ຄົນເສຍຊີວິດ.
ສະຖິຕິຂອງກະຊວງສາທາລະນະສຸກກົງໂກສະແດງໃຫ້ເຫັນວ່າ, ໃນ 200 ຄົນທີ່ຖືກບົ່ງມະຕິເປັນພະຍາດໄຂ້ເລືອດອອກຍ້ອນເຊື້ອພະຍາດອີໂບລານັ້ນ, ມີ 61 ຄົນໄດ້ຮັບການປິ່ນປົວໃຫ້ເຊົາແລ້ວ, ນອກນັ້ນ ມີ 40 ຄົນທີ່ສົງໄສຕິດເຊື້ອນັ້ນກຳລັງຄອຍຖ້າຜົນບົ່ງມະຕິຢູ່.
ກ່ອນໜ້ານີ້, ອົງການອະນາໄມໂລກຊີ້ອອກວ່າ, ຍ້ອນການປະທະກັນດ້ວຍກຳລັງອາວຸດຮຸນແຮງຂຶ້ນ, ປະຊາຊົນສ່ວນໜຶ່ງປະຕິເສດບໍ່ຍອມສັກຢາວັກແຊງ, ແລະປັດໄຈອື່ນໆ, ການແຜ່ລະບາດຮອບໃໝ່ຂອງເຊື້ອພະຍາດອີໂບລາຈຶ່ງມີຄວາມສ່ຽງສູງຢູ່ສາທາລະນະລັດປະຊາທິປະໄຕກົງໂກ ແລະ ປະເທດອ້ອມຂ້າງ. ຕາມຜົນການປະເມີນຫຼ້າສຸດ, ການແຜ່ລະບາດຂອງພະຍາດເທື່ອນີ້ຍັງບໍ່ເຖິງຂັ້ນເປັນເຫດການສາທາລະນະສຸກແບບສຸກເສີນທີ່ເຮັດໃຫ້ປະຊາຄົມໂລກເປັນຫ່ວງ.
ໃນຕົ້ນເດືອນສິງຫາຜ່ານມາ, ສາທາລະນະລັດປະຊາທິປະໄຕກົງໂກໄດ້ຢືນຢັນເກີດການແຜ່ລະບາດເຊື້ອພະຍາດອີໂບລາຮອບໃໝ່, ເຊິ່ງເປັນຮອບທີ 10 ນັບແຕ່ປະເທດດັ່ງກ່າວພົບເຊື້ອພະຍາດອີໂບລາເປັນຄັ້ງທຳອິດໃນປີ 1976 ເປັນຕົ້ນມາ. ວັນທີ 24 ກໍລະກົດຜ່ານມາ, ປະເທດດັ່ງກ່າວຫາກໍປະກາດການລະບາດເຊື້ອພະຍາດອີໂບລາສິ້ນສຸດລົງ, ໂດຍມີ 33 ຄົນເສຍຊີວິດຍ້ອນຕິດເຊື້ອພະຍາດອີໂບລາ.
ຄຳເຫັນ
0