ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານໂດໂນ ທຣຳ ປະທານາທິບໍດີອາເມຣິກາກ່າວໃນເວລາໃຫ້ສຳພາດຕໍ່ນັກຂ່າວຫຼັງຈາກເຂົ້າຮ່ວມກິດຈະກຳໂຮມຊຸມນຸມຢູ່ລັດເນວາດາສະຫະລັດອາເມຣິກາໃນວັນທີ 20 ຕຸລານີ້ວ່າ: ອາເມຣິກາຈະຖອນອອກຈາກສົນທິສັນຍາວ່າດ້ວຍການກຳຈັດຂີປະນາວຸດໄລຍະກາງແລະໄລຍະກາງແລະມໍ່ໄລຍະກາງລະຫວ່າງສະຫະພາບໂຊວຽດ-ອາເມຣິກາ, ທັງຕຳໜິຣັດເຊຍທີ່ໄດ້ລະເມີດສົນທິສັນຍາດັ່ງກ່າວໃນໄລຍະຍາວນານມານີ້.
ທ່ານໂດໂນທຣຳກ່າວຕື່ມວ່າ: ພວກເຮົາຈຳເປັນຕ້ອງພັດທະນາອາວຸດທີ່ຖືກສົນທິສັນຍາເກືອດຫ້າມເຫຼົ່ານີ້.
ສົນທິສັນຍາວ່າດ້ວຍການກຳຈັດຂີປະນາວຸດໄລຍະກາງແລະໄລຍະກາງແລະມໍ່ໄລຍະກາງລະຫວ່າງສະຫະພາບໂຊວຽດ-ອາເມຣິກາ ແມ່ນອາເມຣິກາແລະສະຫະພາບໂຊວຽດລົງນາມເຊັນກັນໃນວັນທີ 8 ທັນວາ 1987. ສົນທີສັນຍາດັ່ງກ່າວກຳນົດໄວ້ວ່າ: ສອງປະເທດຈະບໍ່ຄອບຄອງ,ຜະລິດຫຼືທົດລອງຍິງຂີປະນາວຸດຄຣູສແບບຍິງຫາງບົກ ແລະຂີປະນາວຸດນຳວິຖີໄລຍະຍິງລະຫວ່າງ 500 -5.500 ກິໂລແມັດອີກໃນຕໍ່ໄປ.
ຫົວໜ້າສູນຫຼຸດຜ່ອນຄວາມອັນຕະລາຍຂອງນີວເຄລຍກະຊວງປ້ອງກັນປະເທດຣັດເຊຍກ່າວວ່າ: ອາເມຣິກາໄດ້ຜະລິດຂີປະນາວຸດນຳວິຖີໄລຍະສັ້ນແລະກາງຕ່າງໆເພື່ອໃຊ້ເປັນເປົ້າໃນການ ພັດທະນາລະບົບຕ້ານຂີປະນາວຸດຂອງຕົນ, ເມື່ອເບິ່ງຈາກມາດຕະຖານຍຸດທະວິທີສູ້ຮົບເຊັ່ນໄລຍະການບິນແລະອື່ນໆແລ້ວ, ຂີປະນາວຸດເຫຼົ່ານີ້ແມ່ນນອນຢູ່ໃນຂອບເຂດທີ່ຖືກເກືອດ ຫ້າມໃນສົນທິສັນຍາດັ່ງກ່າວ.
ຄຳເຫັນ
0