ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ງານວາງສະແດງຮູບຖ່າຍລະດັບສາກົນຂອງຊາວໜຸ່ມປະເທດຕາມເສັ້ນທາງສາຍໄໝຄັ້ງທຳອິດທີ່ຈະດຳເນີນເປັນເວລາ 1 ອາທິດໄດ້ໄຂຂຶ້ນຢູ່ສູນແລກປ່ຽນວິທະຍາສາດເຕັກນິກແລະວັດທະນະທຳຊາວໜຸ່ມຊົ້ງຊິ້ງລິງຈີນທີ່ຕັ້ງຢູ່ນະຄອນຫຼວງປັກກິ່ງ ສປ ຈີນໃນວັນທີ 21 ຕຸລານີ້.
ງານວາງສະແດງຄັ້ງນີ້ຮ່ວມກັນຈັດຂຶ້ນໂດຍຄະນະກຳມະການຈັດຕັ້ງສັບປະດາຖ່າຍຮູບສາກົນປັກກິ່ງ, ແລະຄະນະກຳມະການວຽກງານການແຂ່ງຂັນຖ່າຍຮູບລະດັບສາກົນຂອງຊາວໜຸ່ມປະເທດຕາມເສັ້ນທາງສາຍໄໝແລະສູນແລກປ່ຽນວິທະຍາສາດເຕັກນິກແລະວັດທະນະທຳຊາວໜຸ່ມຊົ້ງຊິ້ງລິງຈີນ ໂດຍເນັ້ນຫົວຂໍ້ “ໃຊ້ຮູບຖ່າຍເຊື່ອມຕໍ່ເສັ້ນທາງສາຍໄໝເພື່ອມິດຕະພາບ”. ຮູບຖ່າຍຕົ້ນຕໍມາຈາກບົດປະພັນທີ່ໄດ້ລາງວັນໃນການແຂ່ງຂັນຮູບຖ່າຍສາກົນຊາວໜຸ່ມປະເທດເສັ້ນທາງສາຍໄໝ. ການແຂ່ງຂັນເທື່ອນີ້ມີຮູບຖ່າຍ 157.988 ໃບ ຂອງ 61.000 ກວ່າຄົນທີ່ມາຈາກ 52 ປະເທດແລະເຂດແຄວ້ນລວມທັງປະເທດຈີນ, ເນື້ອໃນແມ່ນກ່ຽວພັນເຖິງທິວທັດທຳມະຊາດ, ວັດທະນະທຳ, ຮີດຄອງປະເພນີ, ບູຮານສະຖານ, ມໍລະດົກວັດທະນະທຳແລະອື່ນໆ.
ຄະນະຜູ້ແທນຖ່າຍຮູບອາຈານແລະນັກສຶກສາມຽນມາໄດ້ລາງວັນການຈັດວາງດີເດັ່ນໃນການແຂ່ງຂັນຄັ້ງນີ້, ພາບ “ຝູງຄວາຍໃນນາ” ທີ່ຖ່າຍໂດຍເຄຣະ ໂມເດັສທິ, ຜູ້ສະໝັກເຂົ້າຮ່ວມການແຂ່ງຂັນທີ່ມາຈາກອິນໂດເນເຊຍແມ່ນໜຶ່ງໃນຜູ້ທີ່ໄດ້ຮັບລາງວັນທີໜຶ່ງຂອງການແຂ່ງຂັນຄັ້ງນີ້.
ຄຳເຫັນ
0