ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານວິຣະສັກ ໂຄສຸຣັດ ລັດຖະມົນຕີກະຊວງການທ່ອງທ່ຽວແລະກິລາໄທຢືນຢັນເມື່ອບໍ່ດົນມານີ້ວ່າ: ປັດຈຸບັນ, ນັກທ່ອງທ່ຽວຈີນໄປທ່ຽວໄທມີສະພາບໝັ້ນທ່ຽງ, ປີນີ້ຈະບໍ່ ພິຈາລະນາເລື່ອງຫຼຸດ ຫຼື ຍົກເວັ້ນຄ່າວີຊາກັບດ່ານໃຫ້ນັກທ່ອງທ່ຽວຈີນເປັນການຊົ່ວຄາວ.
ທ່ານສົມຄິດ ຈາຕຸສີພິທັກຮອງນາຍົກລັດຖະມົນຕີໄທເຄີຍໄດ້ປະກາດໃນວັນທີ 17 ຕຸລານີ້ວ່າ: ໄດ້ໃຫ້ທິດຊີ້ນຳຕໍ່ພາກສ່ວນທີ່ກ່ຽວຂ້ອງແລ້ວ ທີ່ຈະປະຕິບັດນະໂຍບາຍຍົກເວັ້ນຄ່າວີຊາກັບດ່ານໃຫ້ 21 ປະເທດ ລວມທັງຈີນ ໃນສອງເດືອນສຸດທ້າຍປີນີ້ ເພື່ອຈະສາມາດດຶງດູດນັກທ່ອງທ່ຽວຕ່າງປະເທດໃຫ້ໄດ້ຫຼາຍກວ່າເກົ່າ ແລະ ເພື່ອໃຫ້ນັກທ່ອງທ່ຽວຈີນທີ່ມີທ່າອ່ຽງຫຼຸດໜ້ອຍຖອຍລົງເນື່ອງຈາກຜົນກະທົບຈາກເຫດການເຮືອຫຼົ້ມຢູ່ເຂດທະເລເກາະພູເກັດກັບຄືນມາທ່ຽວໄທອີກ. ຂະນະທີ່ສື່ມວນຊົນພາສາຈີນຂອງໄທຫຼາຍແຫ່ງກໍໄດ້ລາຍງານຂ່າວດັ່ງກ່າວແລ້ວ ໂດຍກ່າວວ່າ: ຖ້າວ່ານັກທ່ອງທ່ຽວຈີນໄປທ່ຽວໄທໃນເດືອນພະຈິກແລະເດືອນທັນວາປີນີ້ ຈະບໍ່ຕ້ອງຈ່າຍຄ່າວີຊາກັບດ່ານ 2.000 ບາດອີກ.
ແຕ່ທ່ານວິຣະສັກ ໄດ້ໃຫ້ຄວາມກະຈ່າງແຈ້ງວ່າ: ຈະຫາລືບັນຫານີ້ ແຕ່ບໍ່ອາດຈະປະຕິບັດມາດຕະການນີ້ໄດ້ພາຍໃນປີນີ້.
ຄຳເຫັນ
0