ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 17 ຂອງກຳມະບານຈີນໄດ້ຈັດຂຶ້ນໃນຕອນເຊົ້າວັນທີ 22 ຕຸລານີ້ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ ໂດຍມີຜູ້ນຳພັກແລະລັດຂອງຈີນ ເຊັ່ນ: ທ່ານສີຈິ້ນຜິງ, ທ່ານຫຼີເຄີ້ສຽງ, ທ່ານລີ້ຈ້ານຊູ່, ທ່ານວ່າງຢາງ, ທ່ານຈ້າວເລີ້ຈີ້, ທ່ານຮານເຈີ້ງ ແລະທ່ານອື່ນໆ ຕ່າງກໍໄດ້ເຂົ້າຮ່ວມພິທີແລະສະແດງຄວາມຊົມເຊີຍຢູ່ທີ່ປະຊຸມ. ທ່ານວາງຮູ້ນິງ ກຳມະການປະຈຳກົມການເມືອງສູນກາງພັກ, ເລຂາທິການສູນກາງພັກກອມມູນິດຈີນ ໄດ້ຕາງໜ້າສູນກາງພັກກ່າວປາໄສເພື່ອສະແດງຄວາມຊົມເຊີຍ.
ທ່ານວາງຮູ້ນິງ ກ່າວວ່າ: ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 16 ຂອງກຳມະບານເປັນຕົ້ນມາ, ກຳມະບານທຸກຂັ້ນໄດ້ຍຶດໝັ້ນຖືເອົາແນວຄິດສີຈິ້ນຜິງວ່າດ້ວຍສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນທິດຊີ້ນຳ, ລົງເລິກການປະຕິຮູບ-ການປະດິດສ້າງໃໝ່ຂອງກຳມະບານ ແລະ ໄດ້ຮັບຄວາມຄືບໜ້າສຳຄັນໃນວຽກງານຕ່າງໆ, ອົງການກຳມະບານແລະວຽກງານກຳມະບານໄດ້ເພີ່ມທະວີຄວາມໜັກແໜ້ນທາງດ້ານການເມືອງ, ຄວາມກ້າວໜ້າ ແລະ ວຽກງານເພື່ອປວງຊົນຢ່າງຈະແຈ້ງ.
ກອງປະຊຸມໄດ້ຜ່ານບົດລາຍງານກ່ຽວກັບ “ກົດລະບຽບກຳມະບານຈີນສະບັບປັບປຸງ”, “ບົດລາຍງານວຽກງານການເງິນຂອງຄະນະບໍລິຫານງານຊຸດທີ 16 ຂອງສະຫະພັນກຳມະບານທົ່ວປະເທດຈີນ" ແລະ “ບົດລາຍງານວຽກງານຄະນະກຳມະການກວດສອບຄ່າໃຊ້ຈ່າຍປະຈຳຊຸດທີ 16 ຂອງສະຫະພັນກຳມະບານທົ່ວປະເທດຈີນ" ໃຫ້ແກ່ຜູ້ແທນທີ່ຮ່ວມປະຊຸມໄດ້ຮັບຊາບເປັນລາຍລັກອັກສອນ ເພື່ອຈະໄດ້ນຳໄປຄົ້ນຄວ້າພິຈາລະນາ.
ຄຳເຫັນ
0