ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັກຂ່າວໄດ້ຮັບຂໍ້ມູນຈາກຂະແໜງປາບປາມຢາເສບຕິດພະແນກປ້ອງກັນຄວາມສະຫງົບແຂວງຢຸນນານວ່າ: ວັນທີ 16 ຕຸລານີ້, ກອງປາບປາມຢາເສບຕິດຂອງກົມຕຳຫຼວດເມືອງປົກຄອງຕົນເອງເຜົ່າລື້ເຜົ່າຫວາເກີງໝ໋ານະຄອນລີນຊ່າງໄດ້ຮ່ວມກັບເຈົ້າໜ້າທີ່ປ້ອງກັນຊາຍແດນຊິ່ງສູຍເຮີມ້າງຄະດີໃຫຍ່ການຄ້າຂາຍຢາເສບຕິດ ແລະຍຶດເອົາຢາໄອສປະເພດເມັດ ແລະປະເພດຟຸ່ນ 127,45 ກິໂລກຼາມ ແລະຈັບຜູ້ຕ້ອງຫາໄດ້ 3 ຄົນ.
ໃນມື້ດຽວກັນ, ປະຊາຊົນໄດ້ແຈ້ງໃຫ້ກອງປາບປາມຢາເສບຕິດກົມຕຳຫຼວດເມືອງເກີງໝ໋າຊາບວ່າ: ມີລົດໄຖນາຕິດປ້າຍລົດມຽນມາໄດ້ລັກລອບເຂົ້າຊາຍແດນ ແລະແລ່ນລົດໄຟບ້ານຢີງພັນກຸ່ມບ້ານນານສານ. ສະນັ້ນ, ກອງປາບປາມຢາເສບຕິດຈຶ່ງໄດ້ຮ່ວມກັບເຈົ້າໜ້າທີ່ປ້ອງກັນຊາຍແດນຊິ່ງສູຍເຮີມຸ້ງໜ້າໄປບ້ານຢີງພັນກຸ່ມບ້ານນານສານເມືອງເຈີ້ນຄັ່ງທັນທີເພື່ອດຳເນີນການກວດກາ.
ຕຳຫຼວດໄດ້ພົບເຫັນລົດໄຖນາທີ່ຕິດປ້າຍລົດມຽນມາຈອດຢູ່ໃກ້ກັບເຂດຄຸ້ມຄອງອ່າງນ້ຳຊ່ານເຮີຂອງບ້ານຢີງພັນ ເຊິ່ງມີຜູ້ຄົນຂັບ ແລະຜູ້ໂດຍສານ 3 ຄົນ. ຜ່ານການກວດກາ, ຕຳຫຼວດໄດ້ພົບເຫັນ ແລະຍຶດເອົາຢາເສບຕິດ 3 ຖົງ, ໃນນັ້ນ ມີຢາໄອສປະເພດເມັດ 5,6 ກິໂລກຼາມ ແລະມີຢາໄອສປະເພດຟຸ່ນ 121,85 ກິໂລກຼາມ, ລວມ 127,45 ກິໂລກຼາມ. ຜູ້ຕ້ອງຫາ 3 ຄົນຖືກຈັບ. ປັດຈຸບັນນີ້, ຄະດີພວມຢູ່ໃນຊັ້ນສານ.
ຄຳເຫັນ
0