ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 1 ທັນວາຕາມເວລາທ້ອງຖິ່ນ, ຢູ່ບູນົສໄອເຣັດສ໌ ນະຄອນຫຼວງຂອງອາກຊັງຕິງ, ທ່ານສີຈິ້ນຜິງ ປະທານປະເທດຈີນໄດ້ພົບປະກັບທ່ານໂດໂນ ທຣຳ ປະທານາທິບໍດີອາເມລິກາ. ຫຼັງການພົບປະ, ຜູ້ຮັບຜິດຊອບກ່ຽວຂ້ອງຂອງຄະນະເສດຖະກິດການຄ້າຝ່າຍຈີນໄດ້ບອກນັກຂ່າວວ່າ, ປະມຸກລັດສອງປະເທດໄດ້ເປິກສາຫາລືບັນຫາເສດຖະກິດການຄ້າຈີນອາເມລິກາແລະກ້າວເຖິງຂັ້ນມີຄວາມເຫັນເປັນເອກະພາບກັນ.
ປະມຸກລັດສອງປະເທດໄດ້ຕັ້ງໜ້າຕີລາຄາການເປິກສາຫາລືຢ່າງຕັ້ງໜ້າແລະບັງເກີດຜົນລະຫວ່າງຄະນະເສດຖະກິດການຄ້າສອງຝ່າຍຫວ່າງມໍ່ໆນີ້. ສອງຝ່າຍເຫັນວ່າ, ການພົວພັນເສດຖະກິດການຄ້າຈີນອາເມລິກາທີ່ປອດໃສແລະໝັ້ນທ່ຽງສອດຄ່ອງຜົນປະໂຫຍດຮ່ວມຂອງສອງປະເທດແລະທົ່ວໂລກ.
ສອງຝ່າຍຕົກລົງວ່າ, ຢຸດຕິດການນຳໃຊ້ມາດຕະການຈຳກັດການຄ້າ, ລວມທັງບໍ່ຍົກສູງອັດຕາພາສີຕໍ່ຝ່າຍກົງກັນຂ້າມໃນປັດຈຸບັນອີກ, ແລະບໍ່ເພີ່ມພາສີຕໍ່ສິນຄ້າອື່ນໆ.
ສອງຝ່າຍເຫັນດີວ່າ, ບົນຈິດໃຈທີ່ໂຄລົບກັນ, ສະເໝີພາບກັນແລະຕ່າງຝ່າຍຕ່າງມີຜົນປະໂຫຍດ, ຈະລົງມືແກ້ໄຂບັນຫາທີ່ເອົາໃຈໃສ່ຮ່ວມກັນ. ຝ່າຍຈີນຈະອີງຕາມຄວາມຮຽກຮ້ອງຕ້ອງການຂອງກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19, ນຳໃຊ້ມາດຕະການຕື່ມອີກລົງເລິກການປະຕິຮູບ, ເປີດກວ້າງການເປີດປະຕູສູ່ພາຍນອກ. ໃນຂະບວນການນີ້, ບາງບັນຫາເສດຖະກິດການຄ້າທີ່ຝ່າຍອາເມລິກາເອົາໃຈໃສ່ຈະໄດ້ຮັບການແກ້ໄຂ. ໃນຂະນະດຽວກັນ, ຝ່າຍອາເມລິກາຈະຕັ້ງໜ້າແກ້ໄຂບັນຫາເສດຖະກິດການຄ້າທີ່ຝ່າຍຈີນເອົາໃຈໃສ່.
ປະມຸກລັດສອງປະເທດຊີ້ນຳໃຫ້ຄະນະເສດຖະກິດການຄ້າສອງຝ່າຍເລັ່ງລັດການເປິກສາຫາລືເພື່ອກ້າວເຖິງຂັ້ນເຊັນສັນຍາກັນ, ຍົກເລີກພາສີທີ່ເພີ່ມຂຶ້ນນັບແຕ່ຕົ້ນປີນີ້ມາ, ຊຸກຍູ້ການພົວພັນເສດຖະກິດການຄ້າລະຫວ່າງສອງຝ່າຍໃຫ້ກັບຄືນສູ່ວົງໂຄຈອນປົກກະຕິໂດຍໄວ, ບັນລຸຕ່າງຝ່າຍຕ່າງມີຜົນປະໂຫຍດ.
ຄຳເຫັນ
0