ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 2 ທັນວານີ້, ຢູ່ນະຄອນຫຼວງບູນົສໄອເຣສ, ທ່ານມົຣີຊີໂອ ມາຄຣີ ປະທານາທິບໍດີອາກຊັງຕິນໄດ້ປະດັບ “ຫຼຽນການັກປົດປ່ອຍຊັນ ມາຕິນ” ໃຫ້ທ່ານສີຈິ້ນຜິງ ປະທານປະເທດຈີນ. ຫຼຽນກາຫຼຽນນີ້ຕັ້ງຕາມຊື່ຂອງທ່ານຊັນ ມາຕິນ ບິດາອາກຊັງຕິນ, ເປັນຫຼຽນສູງສຸດຂອງອາກຊັງຕິນທີ່ມອບໃຫ້ຄົນຕ່າງປະເທດ ແລະ ມອບໂດຍປະມຸກລັດອາກຊັງຕິນ.
ໃນເວລາກ່າວປາໄສ, ທ່ານມາຄຣີໄດ້ສະແດງຄວາມຊົມເຊີຍຕໍ່ຜົນສຳເລັດດ້ານການພັດທະນາອັນໃຫຍ່ຫຼວງທີ່ຈີນໄດ້ຮັບພາຍໃຕ້ການນຳພາຂອງທ່ານປະທານສີຈິ້ນຜິງ, ທ່ານໄດ້ຕີລາຄາຢ່າງສູງຕໍ່ການພົວພັນອາກຊັງຕິນ-ຈີນ ລວມທັງຄວາມພະຍາຍາມຂອງຈີນໃນການປົກປັກຮັກສາສັນຕິພາບໂລກ ແລະ ຊຸກຍູ້ການພັດທະນາຮ່ວມກັນ.
ທ່ານສີຈິ້ນຜິງກ່າວວ່າ, ຫຼຽນກາຫຼຽນນີ້ໄດ້ສ່ອງແສງເຖິງນ້ຳໃຈຂອງຊາດແລະປະຊາຊົນອາກຊັງຕິນທີ່ສະແຫວງຫາຄວາມເປັນເອກະລາດ ແລະ ເປັນເຈົ້າຕົນເອງ ພ້ອມທັງມິດຕະພາບອັນເລິກເຊິ່ງຂອງອາກຊັງຕິນທີ່ມີຕໍ່ປະຊາຊົນຈີນ. ການມອບຫຼຽນນີ້ບໍ່ພຽງແຕ່ເປັນກຽດຕິຍົດໃຫ້ຂ້າພະເຈົ້າເອງເທົ່ານັ້ນ, ຍັງເປັນກຽດຕິຍົດສຳລັບໝົດທຸກຄົນທີ່ໄດ້ປະກອບສ່ວນໃຫ້ແກ່ມິດຕະພາບຈີນ-ອາກຊັງຕິນ. ຂ້າພະເຈົ້າຈະທະນຸຖະໜອມກຽດຕິຍົດນີ້ຕະຫຼອດໄປ.
ຄຳເຫັນ
0