ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວທີປຶກສາຫາລືສາກົນຊົງຕູ່ 2018 ທີ່ເນັ້ນຫົວຂໍ້ “ການປະຕິຮູບ, ເປີດປະຕູສູ່ພາຍນອກແລະການຮ່ວມມືຕ່າງຝ່າຍຕ່າງໄດ້ຮັບຜົນປະໂຫຍດ” ທີ່ຈັດຂຶ້ນຢູ່ສູນປະຊຸມສາກົນຊົງຕູ່ນະຄອນກວາງໂຈ່ວ ໄດ້ອັດລົງໃນວັນທີ 11 ທັນວານີ້. ທ່ານ ເຮີຢ້າເຟ່ ອະດີດຮອງລັດຖະມົນຕີກະຊວງການຕ່າງປະເທດຈີນ ໄດ້ຕາງໜ້າເວທີປຶກສາຫາລືອ່ານຖະແຫຼງການ “ຂໍ້ລິເລີ່ມຊົງຕູ່”.
ເວທີປຶກສາຫາລືດັ່ງກ່າວ ຈັດຂຶ້ນໂດຍສະມາຄົມມິດຕະພາບອົສຕຣາລີ-ຈີນ, ສະມາຄົມມິດຕະພາບຕໍ່ຕ່າງປະເທດປະຊາຊົນຈີນ, ອົງການປົກຄອງປະຊາຊົນແຂວງກວາງຕຸ້ງ ແລະ ສະຫະພັນຜູ້ນຳໂລກ. ໃນໄລຍະ 2 ມື້, ອະດີດບຸກຄົນສຳຄັນດ້ານການເມືອງຂອງຕ່າງປະເທດ, ຜູ້ຮັບຜິດຊອບອົງການຈັດຕັ້ງສາກົນ, ຜູ້ຊ່ຽວຊານແລະນັກວິຊາການຂອງຈີນແລະຕ່າງປະເທດ ພ້ອມດ້ວຍບຸກຄົນທີ່ມີຊື່ສຽງໃນວົງການການຄ້າ 200 ກວ່າທ່ານ ໄດ້ດຳເນີນການປຶກສາຫາລືຫຼາຍຮອບ ໂດຍໄດ້ລົງເລິກຫາລືມາດຕະການໃໝ່ດ້ານການປະຕິຮູບແລະເປີດປະຕູສູ່ພາຍນອກຂອງຈີນໃນປັດຈຸບັນ, ແລະໄດ້ສະເໜີທັດສະນະແລະແນວຄິດທີ່ມີຫົວຄິດປະດິດສ້າງແລະລັກສະນະສ້າງສັນຕໍ່ການປະຕິຮູບລະບົບບໍລິຫານໂລກແລະບັນຫາອື່ນໆທີ່ປະຊາຄົມມີຄວາມສົນໃຈຢ່າງກວ້າງຂວາງ.
ຄຳເຫັນ
0