ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 12 ທັນວານີ້, ທ່ານນາງ ແອງເກວລາ ເມີເຄວ ນາຍົກລັດຖະມົນຕີເຢຍລະມັນກ່າວວ່າ: ສັນຍາ “ຖອນອອກຈາກສະຫະພາບເອີຣົບ” ຂອງອັງກິດແມ່ນຫຼັກການຮ່ວມຂອງ 27 ປະເທດສະມາຊິກ, ເຢຍລະມັນບໍ່ມີຄວາມເຫັນເພື່ອດັດແປງສັນຍາດັ່ງກ່າວ.
ທ່ານນາງເມີເຄວໄດ້ຕອບຄຳຖາມຂອງສະມາຊິກສະພາເຢຍລະມັນໃນມື້ດຽວກັນວ່າ: ໃນກອງປະຊຸມສຸດຍອດສະຫະພາບເອີຣົບທີ່ໃກ້ຈະຈັດຂຶ້ນ, ສັນຍາ “ຖອນອອກຈາກສະຫະພາບເອີຣົບ” ທີ່ບັນລຸໄດ້ໂດຍ 27 ປະເທດສະມາຊິກ ແລະອັງກິດຈະບໍ່ສາມາດດັດແປງໄດ້ພາຍຫຼັງປຶກສາຫາລືກັນແລ້ວ. ທ່ານກ່າວຕື່ມວ່າ: ສອງຝ່າຍຈະແກ້ໄຂບັນຫາພົ້ນເດັ່ນໃນໄລຍະຂ້າມຜ່ານ “ການຖອນອອກຈາກສະຫະພາບເອີຣົບ” ເຊັ່ນ: ບັນຫາຊາຍແດນລະຫວ່າງອຽກລັງເໜືອກັບອຽກລັງ ແລະອື່ນໆ. ທ່ານຍັງຫວັງວ່າອັງກິດ “ຖອນອອກຈາກສະຫະພາບເອີຣົບໂດຍມີສັນຍາ” ແຕ່ຂະນະດຽວກັນກໍກຽມພ້ອມໃຫ້ອັງກິດ “ຖອນອອກຈາກສະຫະພາບເອີຣົບໂດຍບໍ່ມີສັນຍາ”.
ກອງປະຊຸມສຸດຍອດສະຫະພາບເອີຣົບຈະຈັດຂຶ້ນຢູ່ນະຄອນຫຼວງບຣຸກແຊນປະເທດແບນຊິກແຕ່ວັນທີ 13 ຫາວັນທີ 14 ທັນວານີ້, ແລະ “ການຖອນອອກຈາກສະຫະພາບເອີຣົບ” ຂອງອັງກິດຈະເປັນໜຶ່ງໃນບັນດາຫົວຂໍ້ຕົ້ນຕໍຂອງກອງປະຊຸມສຸດຍອດຄັ້ງນີ້.
ຄຳເຫັນ
0