ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ທັນວານີ້, ທ່ານຮຸນແຊນ ນາຍົກລັດຖະມົນຕີກຳປູເຈຍພ້ອມພັນລະຍາໄດ້ລົງທັດສະນະສຶກສາ “ເຂດສີສອດດາຣາ ສະກໍຊີໂຊ”ຢູ່ແຂວງໂກກົງ ປະເທດກຳປູເຈຍທີ່ພັດທະນາໂດຍວິສາຫະກິດຈີນໂດຍຍ້ອງຍໍ “ເຂດພິເສດ” ດັ່ງກ່າວໄດ້ຊຸກຍູ້ການພັດທະນາການທ່ອງທ່ຽວແລະເສດຖະກິດອຸດສາຫະກຳຂອງແຂວງໂກກົງຢ່າງຕັ້ງໜ້າ.
ທ່ານຮຸນແຊນ ກ່າວວ່າ, ແຂວງໂກກົງຕິດກັບແຂວງສີຫະນຸແລະຊາຍແດນຂອງປະເທດໄທ, ແມ່ນຊ່ອງທາງການຄ້າທີ່ສຳຄັນ, ໂຄງການລົງທຶນຈາກກຸ່ມບໍລິສັດຢູຫຼຽນທຽນສິນຈີນໄດ້ດຶງດູດນັກທ່ອງທ່ຽວຕ່າງປະເທດຫຼາຍກວ່າເກົ່າເຂົ້າມາແຂວງດັ່ງກ່າວ, ເປັນການຊ່ວຍເຫຼືອການພັດທະນາຂະແໜງການໂຮງແຮມຂອງແຂວງນີ້, ຈຶ່ງມີກຳລັງບົ່ມຊ້ອນດ້ານການພັດທະນາຢ່າງໃຫຍ່ຫຼວງ.
ຂ່າວລາຍງານຕື່ມວ່າ, ກຸ່ມບໍລິສັດຢູຫຼຽນໄດ້ເຊັນສັນຍາພັດທະນາກັບລັດຖະບານກຳປູເຈຍໃນປີ 2008, ໂດຍລົງທຶນພັດທະນາໂຄງການ “ເຂດທົດລອງພັດທະນາການລົງທຶນສັງລວມກຳປູເຈຍ-ຈີນກໍຄືເຂດພິເສດສີສອດດາຣາສະກໍຊີໂຊກຳປູເຈຍ”, ເຊິ່ງເປັນໂຄງການທ່ອງທ່ຽວແຄມທະເລຂະໜາດໃຫຍ່ແຫ່ງທຳອິດຂອງກຳປູເຈຍ.
ຄຳເຫັນ
0