ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍແນໃສ່ລັດຖະສະພາອາເມລິກາໄດ້ຜ່ານຮັບຮອງ“ຍັດຕິເຂົ້າຕິເບດທີ່ປະຕິບັດຕໍ່ກັນຢ່າງສະເໝີພາບປີ2018”ໃນຫວ່າງກ່ອນນີ້ບໍ່ດົນ, ທ່ານລູ້ຄ່າງ ໂຄສົກກະຊວງການຕ່າງປະເທດຈີນໄດ້ກ່າວໃນວັນທີ14ທັນວານີ້ວ່າ, ຍັດຕິສະບັບດັ່ງກ່າວໄດ້ເບິ່ງຂ້າມເລື່ອງຄວາມເປັນຈິງ, ແລະແຊກແຊງວຽກງານພາຍໃນຂອງຈີນຢ່າງ ຮ້າຍກາດ, ຈີນຈິ່ງຄັດຄ້ານຕໍ່ເລື່ອງນີ້ຢ່າງເດັດຂາດ.
ໃນກອງປະຊຸມຖະແຫຼງຂ່າວໃນວັນດັ່ງກ່າວ ມີນັກຂ່າວຖາມວ່າ: ລັດຖະສະພາອາເມລິກາຜ່ານຮັບຮອງຍັດຕິໂດຍຮຽກຮ້ອງໃຫ້ອະນຸມັດເຈົ້າໜ້າທີ່ການທູດ ນັກຂ່າວແລະນັດທ່ອງທ່ຽວອາເມລິກາເຂົ້າຕິເບດ. ຖ້າວ່າບຸກຄົນເຫຼົ່ານີ້ບໍ່ສາມາດເຂົ້າຕິເບດ, ລັດຖະສະພາອາເມລິກາຫວັງໃຫ້ປະຕິເສດບໍ່ໃຫ້ເຈົ້າໜ້າທີ່ຈີນເຂົ້າອາເມລິກາເຊັ່ນກັນ. ທ່ານມີຄຳເຫັນແນວໃດຕໍ່ເລື່ອງນີ້?
ທ່ານລູ້ຄ່າງກ່າວວ່າ, ວຽກງານຕິເບດເປັນວຽກງານພາຍໃນຂອງຈີນທັງນັ້ນ, ຈະບໍ່ໃຫ້ປະເທດອື່ນເຂົ້າແຊກແຊງຢ່າງເດັດຂາດ. ຄົນຕ່າງປະເທດຢາກໄປເຂດຕິເບດ, ສາມາດໄດ້ຮັບການແກ້ໄຂໂດຍຜ່ານຊ່ອງທາງປົກກະຕິ. ຄວາມຈິງແລ້ວ ແຕ່ລະປີກໍມີຄົນຈີນແລະຄົນຕ່າງປະເທດຈຳນວນຫຼວງຫຼາຍໄປຢ້ຽມຢາມ,ທ່ອງທ່ຽວແລະເຮັດທຸລະກິດຢູ່ເຂດຕິເບດ. ແຕ່ປີ2015ເປັນຕົ້ນມາ ມີຄົນອາເມລິກາເກືອບ 4 ໝື່ນເທື່ອຄົນເຂົ້າໄປໃນເຂດຕິເບດ. ນີ້ໄດ້ພິສູດຢ່າງເຕັມທີ່ວ່າ, ຍັດຕິຂອງລັດຖະສະພາອາເມລິກາຕຳໜິຈີນນັ້ນຂາດຫຼັກຖານອ້າງອີງ. ຈີນທວງໃຫ້ພາກສ່ວນບໍລິຫານອາເມລິກາໃຊ້ມາດຕະການທີ່ມີປະສິດທິຜົນໃນທັນທີ, ສະກັດກັ້ນບໍ່ໃຫ້ຍັດຕິສະບັບນີ້ໄດ້ຮັບການລົງນາມແລະກາຍເປັນກົດໝາຍ, ເພື່ອຫຼີກເວັ້ນບໍ່ໃຫ້ ການພົວພັນລະຫວ່າງຈີນກັບອາເມລິກາຖືກທຳລາຍ ແລະກະທົບເຖິງການຮ່ວມມື ລະຫວ່າງສອງປະເທດໃນຂົງເຂດສຳຄັນ.
ຄຳເຫັນ
0