ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ທ່ານເຊີເກ ລາຟລອບ ລັດຖະມົນຕີກະຊວງການຕ່າງປະເທດຣັດເຊຍໄດ້ກ່າວຕໍ່ກອງປະຊຸມຄວາມໝັ້ນຄົງມີວນິກວ່າ: ໃນສະຕະວັດທີ 21 ບັນດາປະເທດຄວນຮ່ວມມືກັນແກ້ໄຂວິກິດການ, ບໍ່ຄວນມີແນວຄິດໃນຍຸກລ່າເມືອງຂຶ້ນ ແລະສົງຄາມເຢັນ.
ທ່ານກ່າວວ່າ: ປັດຈຸບັນນີ້, ໂລກພວມຕົກຢູ່ໃນໄລຍະອັນຕະລາຍ, ຍັງມີວິກິດການເກົ່າເລິກເຊິ່ງຍິ່ງຂຶ້ນ ແລະເກີດວິກິດການໃໝ່ຕື່ມອີກ. ໃນຂົງເຂດທີ່ເຄັ່ງຕຶງ, ການເຂົ້າຮ່ວມຂອງຣັດເຊຍແມ່ນປັດໄຈທີ່ສຳຄັນໃນການເຮັດໃຫ້ສະຖານະການມີຄວາມໝັ້ນຄົງ. ປັດຈຸບັນນີ້, ການຕັດສິນແກ້ໄຂວິກິດການຈຳນວນໜຶ່ງກໍແມ່ນການສະແດງຄວາມເຫັນພຽງແຕ່ຝ່າຍນາໂຕເທົ່ານັ້ນ.
ທ່ານກ່າວຕື່ມວ່າ: ເມື່ອປຶກສາຫາລືເຖິງຄວາມໝັ້ນຄົງຂອງພາກພື້ນ ຖ້າປະຕິເສດການເຂົ້າຮ່ວມຂອງຣັດເຊຍກໍຈະບໍ່ມີຜົນດີຕໍ່ຄວາມໝັ້ນຄົງຂອງພາກພື້ນກໍຈະບໍ່ບັນລຸເປົ້າໝາຍ. ໃນສະຕະວັດທີ 21 ບໍ່ຄວນມີແນວຄິດໃນຍຸກລ່າເມືອງຂຶ້ນ ແລະສົງຄາມເຢັນ ແລະບໍ່ຟັງຄວາມເຫັນຂອງປະເທດອື່ນ, ຄວນແກ້ໄຂວິກິດການຮ່ວມກັນ.
ຄຳເຫັນ
0