ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄະນະກຳມະການຊີ້ນຳການປະຕິບັດ “ໜຶ່ງແລວໜຶ່ງເສັ້ນທາງ” ຂອງມຽນມາ ໄດ້ໄຂກອງປະຊຸມຄັ້ງປະຖົມມະເລີກໃນວັນທີ 18 ກຸມພານີ້, ທ່ານນາງ ອອງຊານຊູຈີ ປະທານຄະນະກຳມະການ, ທີ່ປຶກສາແຫ່ງລັດມຽນມາກ່າວໃນກອງປະຊຸມວ່າ: ການສ້າງ “ໜຶ່ງແລວໜຶ່ງເສັ້ນທາງ” ມີຜົນດີຕໍ່ມຽນມາກໍຄືທົ່ວພາກພື້ນ.
ທ່ານນາງ ອອງຊານຊູຈີ ກ່າວປາໄສໃນກອງປະຊຸມມື້ດຽວກັນວ່າ: ຫຼາຍປະເທດໄດ້ເຂົ້າຮ່ວມຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ທີ່ສ້າງຂຶ້ນໂດຍຈີນ, “ໜຶ່ງແລວໜຶ່ງເສັ້ນທາງ” ບໍ່ພຽງແຕ່ກວມເອົາການສ້າງພື້ນຖານໂຄງລ່າງເທົ່ານັ້ນ, ຍັງກວມເອົາຂົງເຂດທີ່ກວ້າງຂວາງນຳອີກ, ມຽນມາຕັ້ງຢູ່ລຽບຕາມ “ໜຶ່ງແລວໜຶ່ງເສັ້ນທາງ”, ການເຂົ້າຮ່ວມ “ໜຶ່ງແລວໜຶ່ງເສັ້ນທາງ” ລ້ວນແຕ່ແມ່ນໂອກາດທີ່ມີປະໂຫຍດຕໍ່ມຽນມາກໍຄືທົ່ວພາກພື້ນ.
ທ່ານ ມິນສະວີ ຮອງປະທານຄະນະກຳມະການດັ່ງກ່າວ, ຮອງປະທານາທິບໍດີຜູ້ທີໜຶ່ງຂອງມຽນມາກ່າວວ່າ: ມຽນມາຕ້ອງຖອດຖອນບົດຮຽນຂອງປະເທດອື່ນໃນການເຂົ້າຮ່ວມ “ໜຶ່ງແລວໜຶ່ງເສັ້ນທາງ”, ເລືອກເອົາໂຄງການທີ່ມີປະໂຫຍດ, ເພື່ອຄຸ້ມຄອງແລະປະຕິບັດໂຄງການ “ໜຶ່ງແລວໜຶ່ງເສັ້ນທາງ” ໃຫ້ດີກວ່າເກົ່າ, ອົງການທີ່ກ່ຽວຂ້ອງຕ່າງໆຂອງມຽນມາ ຄວນເພີ່ມທະວີການແລກປ່ຽນແລະປຶກສາຫາລືກັນໃນການຈັດຕັ້ງປະຕິບັດໂຄງການດັ່ງກ່າວ.
ຄຳເຫັນ
0