ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກຸມພານີ້, ເຈົ້າໜ້າທີ່ກະຊວງກະສິກຳແລະການພັດທະນາຊົນນະບົດຫວຽດນາມກ່າວວ່າ: ຢູ່ແຂວງຮຶງອຽນແລະແຂວງໄທບິງ ທາງພາກເໜືອປະເທດຕົນໄດ້ເກີດການລະບາດຂອງພະຍາດໝູອາຟຣິກາ.
ກະຊວງດັ່ງກ່າວໄດ້ຮຽກຮ້ອງໃຫ້ຂ້າໝູທີ່ຕິດເຊື້ອພະຍາດດັ່ງກ່າວທັງໝົດ, ພາກສ່ວນຄຸ້ມຄອງກໍໄດ້ຕິດຕາມກວດກາສະພາບການຂ້າສັດ, ຂົນສົ່ງແລະຈຳໜ່າຍໝູແລະຜະລິດຕະພັນໝູທີ່ເກີດພະຍາດຢ່າງໃກ້ຊິດ ແລະຈະກວດກາຄອບຄົວທີ່ລ້ຽງໝູຢູ່ທ້ອງຖິ່ນຢ່າງກວ້າງຂວາງ.
ການລະບາດຂອງພະຍາດໝູອາຟຣິກາ ເປັນພະຍາດຕິດແປດແບບກະທັນຫັນ, ເລືອດອອກແລະຮຸນແຮງຍ້ອນຕິດເຊື້ອພະຍາດໝູອາຟຣິກາ, ໝູທີ່ຕິດເຊື້ອພະຍາດມີອາການເປັນໄຂ້ມີອຸນຫະພູມສູງ, ອະໄວຍະວະພາຍໃນເລືອດອອກຢ່າງຮຸນແຮງ ແລະມີອັດຕາການຕາຍສູງ. ເຖິງແນວໃດກໍດີ, ການລະບາດຂອງພະຍາດໝູອາຟຣິກາບໍ່ສາມາດຕິດແປດໄປໃສ່ຄົນໄດ້.
ຄຳເຫັນ
0