ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກຸມພານີ້, ກະຊວງສຶກສາທິການຈີນເປີດເຜີຍວ່າ: ປີ 2018 ຜ່ານມາ, ທົ່ວປະເທດມີວິທະຍາໄລຫຼືໂຮງຮຽນວິຊາຊີບ ທັງໝົດ 11.700 ແຫ່ງ, ແຕ່ລະປີໄດ້ຮັບເອົານັກຮຽນນັກສຶກສາ 9.282.400 ຄົນ, ປັດຈຸບັນ ມີນັກຮຽນນັກສຶກສາທັງໝົດ 26.855.400 ຄົນ. ອາຊີວະສຶກສາຂອງຈີນມີເງື່ອນໄຂພຽງພໍທີ່ສາມາດບຳລຸງສ້າງຜູ້ມີຄວາມຮູ້ຄວາມສາມາດ້ານເຕັກນິກວິຊາການຢ່າງຂະໜາດໃຫຍ່, ເຊິ່ງເປັນຊັບພະຍາກອນມະນຸດທີ່ຂາດບໍ່ໄດ້ເພື່ອຄ້ຳປະກັນການພັດທະນາເສດຖະກິດສັງຄົມຈີນ.
ສະຖິຕິສະແດງໃຫ້ເຫັນວ່າ: ລະບົບອາຊີວະສຶກສາຊັ້ນກາງໃນທົ່ວປະເທດຈີນມີໂຮງຮຽນທັງໝົດ 10.300 ແຫ່ງ, ວິທະຍາໄລວິຊາຊີບ 1418 ແຫ່ງ. ນັກຮຽນຈົບອາຊີວະສຶກສາຊັ້ນກາງສາມາດປະກອບອາຊີບໄດ້ຫຼາຍກວ່າ 95% ເປັນເວລາ 10 ປີລຽນຕິດແລ້ວ, ນັກສຶກສາອາຊີວະສຶກສາຊັ້ນສູງສາມາດປະກອບອາຊີບຫຼັງຈົບການສຶກສາເຄິ່ງປີນັ້ນຫຼາຍກວ່າ 90%. ຜູ້ປະກອບອາຊີບໃນຂະແໜງການຜະລິດຍຸກປັດຈຸບັນ,ຂະແໜງການທີ່ພັດທະນາໃໝ່ທີ່ເພີ່ມຂຶ້ນໃໝ່ນັ້ນມີ ຫຼາຍກວ່າ 70% ແມ່ນມາຈາກໂຮງຮຽນຫຼືວິທະຍາໄລວິຊາຊີບ.
ຄຳເຫັນ
0