ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກຸມພານີ້, ລັດຖະສະພາມຽນມາໄດ້ອະນຸມັດແຕ່ງຕັ້ງຄະນະກຳມະການດັດແກ້ລັດຖະທຳມະນູນ, ເພື່ອພິຈາລະນາຄົ້ນຄວ້າແລະວາງແຜນດັດແກ້ລັດຖະທຳມະນູນ.
ຄະນະກຳມະການດັ່ງກ່າວຈະປະກອບດ້ວຍ 45 ຄົນ, ຕົ້ນຕໍຈະມາຈາກພັກສັນນິບາດແຫ່ງຊາດເພື່ອປະຊາທິປະໄຕ ຫຼື NLD ເຊິ່ງເປັນພັກກຳອຳນາດ, ເຈົ້າໜ້າທີ່ທະຫານ, ພັກສາມັກຄີແລະການພັດທະນາສະຫະພັນມຽນມາຫຼື USDP ແລະພັກການເມືອງຊົນເຜົ່າສ່ວນໜ້ອຍ. ທ່ານທຸນທຸນເຮັນ ຮອງປະທານສະພາປະຊາຊົນຂອງລັດຖະສະພາມຽນມາດຳລົງຕຳແໜ່ງເປັນປະທານຄະນະກຳມະການດັ່ງກ່າວ.
ຂ່າວແຈ້ງວ່າ, ຄະນະກຳມະການດັ່ງກ່າວຈະຍຶດຖືຄວາມຄິດເຫັນດັດແກ້ແລະຜົນການປຶກສາຫາລືກ່ຽວກັບລັດຖະທຳມະນູນທີ່ນຳໃຊ້ໃນປັດຈຸບັນແລ້ວນຳມາຮຽບຮຽງເປັນຮ່າງດັດແກ້ສະບັບໜຶ່ງ, ແລະສົ່ງໃຫ້ລັດຖະສະພາລົງຄະແນນສຽງໃນສຸດທ້າຍ.
ລັດຖະສະພາມຽນມາທີ່ມີສະມາຊິກພັກ NLD ກວມທີ່ນັ່ງສ່ວນຫຼາຍນັ້ນໄດ້ຜ່ານການຮັບຮອງການອະນຸມັດແຕ່ງຕັ້ງຄະນະກຳມະການດັດແກ້ລັດຖະທຳມະນູນທີ່ສະເໜີໂດຍສະມາຊິກພັກ NLD. ການດັດແກ້ລັດຖະທຳມະນູນແມ່ນຄຳໝັ້ນສັນຍາໜຶ່ງຂອງພັກ NLD ໃນໄລຍະການຫາສຽງເລືອກຕັ້ງທົ່ວໄປເມື່ອປີ 2015.
ຄຳເຫັນ
0