ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກຸມພານີ້, ທ່ານເວີ້ຍເຟີ້ງເຮີ ທີ່ປຶກສາຫາແຫ່ງລັດທັງເປັນລັດຖະມົນຕີກະຊວງປ້ອງກັນປະເທດຈີນໄດ້ພົບປະກັບທ່ານຫງວຽນຈິວິນ ຮອງລັດຖະມົນຕີກະຊວງປ້ອງກັນປະເທດຫວຽດນາມຢູ່ນະຄອນຫຼວງປັກກິ່ງ ສປ ຈີນ.
ທ່ານເວີ້ຍເຟີ້ງເຮີ ກ່າວວ່າ, ຈີນແລະຫວຽດນາມມີພື້ນຖານມິດຕະພາບອັນໜັກແໜ້ນ, ມີອຸດົມການແລະຄວາມເຊື່ອຖືຄ້າຍຄືກັນ, ການພົວພັນລະຫວ່າງສອງປະເທດແມ່ນສຳຄັນແລະພິເສດ, ທັງແມ່ນປະຊາຄົມຮ່ວມຊາຕາກຳທີ່ມີຄວາມໝາຍຍຸດທະສາດ. ກອງທັບຈີນຍິນດີສຸມຄວາມພະຍາຍາມຮ່ວມກັບກອງທັບຫວຽດນາມ, ປະຕິບັດຕາມຄວາມເຫັນເປັນເອກະພາບທີ່ສຳຄັນລະຫວ່າງການນຳຂັ້ນສູງຂອງສອງພັກສອງລັດຂອງສອງປະເທດ, ເພີ່ມທະວີການປະສານງານແລະແລກປ່ຽນຄວາມຄິດເຫັນທາງຍຸດທະສາດ, ລົງເລິກການແລກປ່ຽນແລະຮ່ວມມືໃນຂົງເຂດຕ່າງໆ, ແກ້ໄຂຄວາມຂັດແຍ້ງກັນຢ່າງເໝາະສົມ, ຊຸກຍູ້ໃຫ້ການພົວພັນລະຫວ່າງກອງທັບສອງປະເທດກ້າວຂຶ້ນສູ່ລະດັບໃໝ່, ເພື່ອເປັນການປະກອບສ່ວນເຂົ້າໃນການປົກປັກຮັກສາຜົນປະໂຫຍດຕົ້ນຕໍຂອງສອງປະເທດແລະຮັກສາຄວາມໝັ້ນຄົງແລະສະຖຽນລະພາບຂອງພາກພື້ນ.
ທ່ານຫງວຽນຈິວິນ ກ່າວວ່າ, ສູນກາງພັກກອມມູນິດຫວຽດນາມແລະຄະນະກຳມະການການທະຫານສູນກາງໄດ້ທະນຸທຖໜອມມິດຕະພາບທີ່ມີມູນເຊື້ອລະຫວ່າງຫວຽດນາມແລະຈີນ, ມີຄວາມປາດຖະໜາແລະໝັ້ນໃຈທີ່ຈະຊຸກຍູ້ການພົວພັນລະຫວ່າງສອງປະເທດແລະກອງທັບສອງປະເທດໃຫ້ກ້າວຂຶ້ນສູ່ລະດັບສູງກວ່າເກົ່າ, ເພື່ອສ້າງຄວາມຜາສຸກໃຫ້ແກ່ປະຊາຊົນສອງປະເທດ.
ຄຳເຫັນ
0