ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ກຸມພານີ້, ທ່ານ ໂດໂນ ທຣຳ ປະທານາທິບໍດີອາເມຣິກາກ່າວວ່າ: ມື້ດຽວກັນ, ທ່ານໄດ້ລົມກັບທ່ານ ມູນເຈອິນ ປະທານາທິບໍດີສ.ເກົາຫຼີຜ່ານທາງໂທລະສັບກ່ຽວກັບການພົບປະຄັ້ງທີ 2 ລະຫວ່າງຜູ້ນຳອາເມຣິກາແລະສປປເກົາຫຼີທີ່ໃກ້ຈະຈັດຂຶ້ນ, ໃນບັນຫາການປອດນິວເຄລຍຢູ່ແຫຼມເກົາຫຼີ ແລະບັນຫາອື່ນໆ, ສ່ວນທ່ານເອງ “ບໍ່ຟ້າວປານໃດ” ທີ່ຈະຊຸກຍູ້ການບັນລຸເປົ້າໝາຍການປອດນິວເຄລຍຢູ່ແຫຼມເກົາຫຼີ.
ທ່ານ ທຣຳ ໄດ້ໃຫ້ສຳພາດຕໍ່ນັກຂ່າວຢູ່ທຳນຽບຂາວວ່າ: ທ່ານຄອງຄອຍຫຼາຍທີ່ຈະພົບປະກັບທ່ານ ກິມເຈິງອຸນ ຜູ້ນຳສູງສຸດຂອງສປປເກົາຫຼີ ແລະໄດ້ປຶກສາຫາລືກັບທ່ານ ມູນເຈອິນ ກ່ຽວກັບເລື່ອງນີ້. ທ່ານກ່າວຕື່ມວ່າ, ການບັນລຸການປອດນິວເຄລຍຢູ່ແຫຼມເກົາຫຼີ ແມ່ນເປົ້າໝາຍສຸດທ້າຍຂອງອາເມຣິກາ, ແຕ່ທ່ານເອງ “ບໍ່ຟ້າວປານໃດ” ທີ່ຈະບັນລຸເປົ້າໝາຍດັ່ງກ່າວໃນທັນທີ, ຂະນະດຽວກັນ, ອາເມຣິກາຍັງຈະສືບຕໍ່ຂວ້ຳບາດສປປເກົາຫຼີອີກຕໍ່ໄປ.
ຕອນຄ່ຳມື້ດຽວກັນ, ທ່ານ ໂຣເບີດ ພາລາດີໂນ ຮອງໂຄສົກກະຊວງການຕ່າງປະເທດອາເມຣິກາກ່າວໃນກອງປະຊຸມຖະແຫຼງຂ່າວວ່າ: ມື້ດຽວກັນ, ຜູ້ຕາງໜ້າພິເສດດ້ານນະໂຍບາຍສປປເກົາຫຼີຂອງອາເມຣິກາໄດ້ເດີນທາງໄປຮ່າໂນ້ຍເພື່ອກະກຽມໃຫ້ແກ່ການພົບປະລະຫວ່າງທ່ານ ທຣຳ ແລະ ທ່ານ ກິມເຈິງອຸນ.
ຄຳເຫັນ
0