ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການຝຶກອົບຮົມດ້ານການຄຸ້ມຄອງມໍລະດົກວັດທະນະທຳແຫ່ງຊາດຂອງບັນດາປະເທດຕາມແມ່ນ້ຳລ້ານຊ້າງ-ແມ່ນ້ຳຂອງໄດ້ຈັດຂຶ້ນຢູ່ເມືອງບາກັນປະເທດມຽນມາແຕ່ວັນທີ 19 ຫາວັນທີ 21 ກຸມພານີ້. ຜູ້ຊ່ຽວຊານດ້ານການຄຸ້ມຄອງມໍລະດົກວັດທະນະທຳຈາກຈີນ, ມຽນມາ, ລາວ, ໄທ, ກຳປູເຈຍ ແລະຫວຽດນາມໄດ້ເຂົ້າຮ່ວມເພື່ອປຶກສາຫາລືແລກປ່ຽນປະສົບການໃນການບູລະນະ ແລະວິທີຄຸ້ມຄອງມໍລະດົກວັດທະນະທຳ.
ທ່ານຮົງລ້ຽງ ເອກອັກຄະລັດຖະທູດຈີນປະຈຳມຽນມາກ່າວວ່າ: ການຝຶກອົບຮົມຄັ້ງນີ້ແມ່ນໂຄງການຮ່ວມມືທີ່ສຳຄັນພາຍໃຕ້ການສະໜັບສະໜູນຂອງກອງທຶນສະເພາະການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ເພື່ອສະໜອງເວທີປຶກສາຫາລືໃຫ້ຜູ້ຊ່ຽງຊານ 6 ປະເທດໄດ້ແບ່ງປັນປະສົບການຄຸ້ມຄອງມໍລະດົກວັດທະນະທຳ, ຍົກສູງລະດັບການຄຸ້ມຄອງມໍລະດົກວັດທະນະທຳຮ່ວມກັນ ເຊິ່ງເປັນການປະກອບສ່ວນເຮັດໃຫ້ບັນດາປະເທດແມ່ນ້ຳລ້ານຊ້າງ-ແມ່ນ້ຳຂອງສາມາດເພີ່ມທະວີການຮ່ວມມືດ້ານການຄຸ້ມຄອງມໍລະດົກວັດທະນະທຳກໍຄືການສືບທອດວັດທະນະທຳຮ່ວມກັນ, ລົງເລິກສາຍພົວພັນທີ່ດີຂອງບັນດາປະເທດແມ່ນ້ຳລ້ານຊ້າງ-ແມ່ນ້ຳຂອງ ແລະສົ່ງເສີມໄມຕີຈິດມິດຕະພາບທີ່ມີມາແຕ່ບູຮານນະການ.
ການຮ່ວມມືດ້ານການຄຸ້ມຄອງມໍລະດົກວັດທະນະທຳແມ່ນການປະກອບສ່ວນທີ່ສຳຄັນເຂົ້າໃນການສ້າງ “ໜຶ່ງແລວໜຶ່ງເສັ້ນທາງ” ແລະແລວທາງເສດຖະກິດຈີນ-ມຽນມາ. ປັດຈຸບັນນີ້, ຈີນພວມອອກແຮງຊ່ວຍເຫຼືອມຽນມາບູລະນະພະທາດວັດບາກັນ, ສຳຫຼວດ ແລະວາງແຜນການຮ້ອງຂໍເປັນມໍລະດົກໂລກຂອງເມືອງບາກັນ, ຕັ້ງໜ້າເຂົ້າຮ່ວມການບູລະນະ, ພັດທະນາ ແລະຮ້ອງຂໍໃຫ້ຮ່ອງຮອຍເມືອງມະຣຸກຍູລັດຍະໄຂ່ເປັນມໍລະດົກໂລກ.
ຄຳເຫັນ
0