ໃນ​ໄລ​ຍະ​ກອງ​ປະ​ຊຸມ​ສອງ​ສະ​ພາຂອງ​ຈີນ 2019, ​CRIຂອງສະ​ຖາ​ນີວິ​ທະ​ຍຸ​ໂທ​ລະ​ພາບ​ສູນ​ກາງ​ຈີນ​ໄດ້​ຈັດ​ກິດ​ຈະ​ກຳ​ຂໍ​ຄວາມ​ເຫັນ​ຈາກ​ຜູ້​ຊົມແລະ​ຜູ້​ຟັງ​ລາວ​ທີ່​ມີ​ຫົວ​ຂໍ້ວ່າ“ທ່ານ​ສົນ​ໃຈ​ດ້ານ​ໃດແດ່​ໃນ​ກອງ​ປະ​ຊຸມ​ສອງ​ສະ​ພາ​ຂອງ​ຈີນ” ເຊິ່​ງ​ມີ​ປະ​ມານ 200,000 ຄົນ​ໄດ້​ເຂົ້າ​ຮ່ວມ​ກິດ​ຈະ​ກຳ. 

ວັນ​ທີ 14 ມີ​ນາ​ນີ້,  ໃນ​ເວ​ລາ​ໃຫ້ສຳ​ພາດ​​ຕໍ່​ນັກ​ຂ່າວ, ທ່ານ​ຈ່ຽງ​ຈ້າຍ​ຕົ່ງ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ລາວ ໄດ້​ຕອບ​ຄຳ​ຖາມ​ຈາກ​ຜູ້​ຊົມ​ແລະ​ຜູ້​ຟັງ​ລາວ ກ່ຽວ​ກັບ​​ວຽກ​ງານຫຼຸດ​ຜ່ອນ​ຄວາມ​ທຸກ​ຍາກ​ຂອງ​ລາວແລະ​ຈີນ, ການ​ທ່ອງ​ທ່ຽວ, ການ​ສ້າງ​ສາ ໜຶ່ງ​ແລວ​ໜຶ່ງ​ເສັ້ນ​ທາງ ແລະ​ອື່ນໆ.