ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ພົບປະກັບສົມເດັດອານເບີດ ລັດຊະການທີສອງ ປະມຸກລັດນະຄອນລັດໂມນາໂກ.
ທ່ານສີຈິ້ນຜິງກ່າວວ່າ, ຂ້າພະເຈົ້າຮູ້ສຶກປິຕິຊົມຊື່ນທີ່ໄດ້ເດີນທາງມາຢ້ຽມຢາມນະຄອນລັດໂມນາໂກທາງລັດຖະກິດຕາມຄຳເຊື້ອເຊີນຂອງສົມເດັດ. ສອງປະເທດຈີນ-ໂມນາໂກມີນິດໄສໃຈຄໍຂອງຊົນຊາດແລະຄວາມສະແຫວງຫາທາງດ້ານຈິດໃຈທີ່ຄ້າຍຄືກັນ ເຊິ່ງເຮັດໃຫ້ພວກເຮົາເຂົ້າໃຈກັນແລະຮັກແພງກັນ. ປັດຈຸບັນ, ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງໜັກແໜ້ນ ແລະ ໄດ້ນຳໜ້າການຮ່ວມມືຈີນ-ເອີຣົບ ໃນຂົງເຂດອະນຸລັກສິ່ງແວດລ້ອມ, ໂທລະຄົມ, ການຊຳລະເງິນແບບເຄື່ອນທີ່ ແລະ ອື່ນໆ. ການພົວພັນຈີນ-ໂມນາໂກໄດ້ກາຍເປັນແບບຢ່າງໃນການໄປມາຫາສູ່ກັນບົນຈິດໃຈມິດຕະພາບລະຫວ່າງປະເທດທີ່ມີເນື້ອທີ່ແຕກຕ່າງກັນຫຼາຍ, ປະຫວັດສາດແລະວັດທະນະທຳແຕກຕ່າງກັນ ແລະ ມີລະບອບສັງຄົມທີ່ແຕກຕ່າງກັນ. ຈີນສະແດງຄວາມຊົມເຊີຍຕໍ່ໂມນາໂກທີ່ໄດ້ຕັ້ງໜ້າເຂົ້າຮ່ວມການຮ່ວມມືສາກົນພາຍໃຕ້ຂອບຮ່ວມກັນສ້າງ “ໜຶ່ງແລວໜຶ່ງເສັ້ນທາງ”. ສອງຝ່າຍຄວນຍົກລະດັບການຮ່ວມມືດ້ານອະນຸລັກສິ່ງແວດລ້ອມລະຫວ່າງສອງຝ່າຍໃຫ້ສູງຂຶ້ນ. ຈີນສະແດງຄວາມຊົມເຊີຍຕໍ່ມູນນິທິສົມເດັດໃນການດຳເນີນກິດຈະກຳສາທາລະນະປະໂຫຍດດ້ານອະນຸລັກສິ່ງແວດລ້ອມຢູ່ຈີນ.
ສົມເດັດອານເບີດ ລັດຊະການທີສອງກ່າວວ່າ, ເນື່ອງໃນໂອກາດວັນສະຖາປະນາສາທາລະນະລັດປະຊາຊົນຈີນຄົບຮອບ 70 ປີໃກ້ຈະໝູນວຽນມາເຖິງ, ຂ້າພະເຈົ້າຂໍສະແດງຄວາມຍ້ອງຍໍຊົມເຊີຍຕໍ່ຈີນທີ່ປະສົບຜົນສຳເລັດອັນໃຫຍ່ຫຼວງໃນການພັດທະນາປະເທດ. ການພົວພັນໂມນາໂກ-ຈີນໄດ້ຂະຫຍາຍຕົວເປັນຢ່າງດີ. ໂມນາໂກຍິນດີເປີດກວ້າງການຮ່ວມມືກັບຈີນໃນຂົງເຂດຕ່າງໆ ເຊັ່ນ: ວິທະຍາສາດເຕັກໂນໂລຊີ, ການປະດິດສ້າງໃໝ່, ການອະນຸລັກສິ່ງແວດລ້ອມນິເວດ, ການອະນຸລັກສັດປ່າ, ພະລັງງານໝູນວຽນ ແລະ ອື່ນໆ. ໂມນາໂກສະແດງຄວາມຊົມເຊີຍຢ່າງສູງຕໍ່ຈີນທີ່ໄດ້ເສີມຂະຫຍາຍບົດບາດສຳຄັນໃນການຮັບມືກັບການປ່ຽນແປງຂອງດິນຟ້າອາກາດ ແລະ ວຽກງານສາກົນອື່ນໆ, ຍິນດີສະໜັບສະໜູນຈີນເປັນເຈົ້າພາບຈັດກອງປະຊຸມພາຄີຄັ້ງທີ 15 ຂອງ “ສົນທິສັນຍາຊີວະນານາພັນ” ໃນປີໜ້າ, ຍິນດີຊຸກຍູ້ການແລກປ່ຽນດ້ານວັດທະນະທຳໂມນາໂກ-ຈີນ ແລະ ເພີ່ມທະວີສາຍພົວພັນມິດຕະພາບລະຫວ່າງປະຊາຊົນສອງຊາດ.
ຄຳເຫັນ
0